உமர் அப்துல்லா (இந்தி: उमर अब्दुल्लाह, உருது: عمر عبدالله), (பிறப்பு 10 மார்ச்சு 1970 ஐக்கிய இராச்சியம்) ஓர் இந்திய காசுமீர அரசியல்வாதி. காசுமீரத்தின் "முதல் குடும்பம்" என அறியப்படும் சேக் அப்துல்லா குடும்பத்தின் வாரிசு.[1][2][3] இந்திய தேசிய காங்கிரசுடன் கூட்டணி அமைத்து சம்மு காசுமீர் மாநிலத்தின் 11வது மற்றும் மிக இளைய முதலமைச்சராக சனவரி 5, 2009 அன்று பொறுப்பேற்றுக்கொண்டார்.[3][4].
உமர் அப்துல்லா عمر عبدالله | |
|---|---|
 ஒமர் அப்துல்லா | |
| சம்மு காசுமீர் முதலமைச்சர் | |
| பதவியில் 05 சனவரி 2009 – 08 சனவரி 2015 | |
| முன்னையவர் | குடியரசுத் தலைவர் ஆட்சி |
| வெளியுறவுத் துறை இணை அமைச்சர் | |
| பதவியில் 23 சூலை 2001 – 23 திசம்பர் 2002 | |
| பிரதமர் | அடல் பிகாரி வாச்பாய் |
| முன்னையவர் | யூ வி கிருஷ்ணம் ராஜூ |
| பின்னவர் | திக்விஜய் சிங் |
| தனிப்பட்ட விவரங்கள் | |
| பிறப்பு | 10 மார்ச்சு 1970 ராக்ஃபோர்ட், எசெக்சு, ஐக்கிய இராச்சியம் |
| அரசியல் கட்சி | ஜம்மு காஷ்மீர் தேசிய மாநாட்டு கட்சி |
| துணைவர் | பாயல் நாத் |
| பிள்ளைகள் | சகீர் மற்றும் சமீர் (மகன்கள்) |
| வாழிடம்(s) | ஸ்ரீநகர், சம்மு காசுமீர், இந்தியா |
| முன்னாள் கல்லூரி | சிடென்கம் வணிகம் மற்றும் பொருளியல் கல்லூரி |
இதற்கு முன்னர் சம்மு காசுமீரின் ஸ்ரீநகர் தொகுதியிலிருந்து 14வது மக்களவை உறுப்பினராக தேர்ந்தெடுக்கப்பட்டார். சூலை 23, 2001ஆம் ஆண்டு முதல் திசம்பர் 23, 2002 வரை அடல் பிகாரி வாச்பாய் தலைமையில் அமைந்த தேசிய சனநாயக கூட்டணி அரசில் வெளியுறவுத்துறை இணையமைச்சராகப் பணியாற்றினார். அக்டோபர் 2002வில் அமைச்சுப் பதவியிலிருந்து விலகி கட்சிப்பணியில் கவனம் செலுத்திட விரும்பினார்.[5] பிரதமர் அவரது விலகல் கடிதத்தை ஏற்காது பதவியில் நீடிக்க வற்புறுத்தினார்.ஆயினும் இறுதியில் 23 திசம்பர் 2002 அன்று அவரது விலகல் குடியரசுத்தலைவரால் ஏற்றுக்கொள்ளப்பட்டது.[6]
இவரது தாத்தா சேக் அப்துல்லா 1932ஆம் ஆண்டில் காசுமீரின் முதல் அரசியல் கட்சியைத் துவக்கியவர்.1948-53 காலத்தில் சம்மு காசுமீர பிரதம மந்திரியாகவும் பின்னர் 1975 மற்றும் 1977 ஆம் ஆண்டுகளில் முதலமைச்சராகவும் இருந்தவர். இவரது தந்தை பரூக் அப்துல்லாவும் 1982,1986 மற்றும் 1996ஆம் ஆண்டுகளில் முதலமைச்சராகப் பணியாற்றியவர். இவர்களது வழித்தோன்றலாக உமரும் 1998ஆம் ஆண்டு அரசியலில் ஈடுபட்டு மக்களவைத் தேர்தலில் நான்குமுறை வெற்றி கண்டார். தமது தந்தையிடமிருந்து கட்சித்தலைமையை 2002ஆம் ஆண்டு ஏற்றுக்கொண்டார்.
2024 சம்மு காசுமீர் சட்டப் பேரவைத் தேர்தலில், அப்துல்லாவின் ஜம்மு காஷ்மீர் தேசிய மாநாட்டுக் கட்சி மறறும் அதன் கூட்டணிக் கட்சிகள் 49 தொகுதிகளில் வெற்றி பெற்றுள்ளன.[7][8]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
