ஐ.எசு.ஓ 639-2
From Wikipedia, the free encyclopedia
ஐ.எசு.ஓ 639-2 (ISO 639-2) என்பது ஐ.எசு.ஓ 639 பன்னாட்டு சீர்தர மொழிக் குறியீட்டின் இரண்டாம் பகுதியாகும். இது உலகின் பெரும்பாலோர் பேசும் மொழிகளை அடையாளப் படுத்தும் வகையில், 464 மூன்றெழுத்து குறியீடுகளை (ஆல்பா-3 குறியீடுகள்) கொண்டுள்ளது. இவ் வெழுத்துக் குறியீடுகள் இலத்தீன் எழுத்துகளில் அமைந்துள்ளன. இவை மொழிகளைச் சுருக்கமாகக் குறிக்க பயன்படுகின்றது.
ஐக்கிய அமெரிக்காவின் சட்டமன்ற நூலகம் (Library of Congress) இந்த ஐ.எசு.ஓ 639-2 குறியீடுகள் வழங்க பதிகை ஆணய(registration authority)மாக செயல்படுகிறது (referred to as ISO 639-2/RA). அந்த பொறுப்பில் பரியப்படும் மாற்றங்களை பெற்று அவைகளை ஆய்வுக்குள்ளாக்குகிறது. தவிர பதிகை ஆணையமாக ஐ.எசு.ஓ 639-RA கூட்டு பரிந்துரை குழுவில் அங்கம் வகித்து ஐ.எசு.ஓ 639 குறிகள் பராமரிப்பில் பொறுப்பேற்கிறது.
ஐ.எசு.ஓ 639-1 ஈரெழுத்துக்களைக் கொண்டு அனைத்து மொழிகளையும் அடையாளம் காட்டவியலாது என 1989ஆம் ஆண்டில் ஐ.எசு.ஓ 639-2 சீர்தரத்திற்கான வேலை ஆரம்பித்தது. ஐ.எசு.ஓ 639-2 சீர்தரத்தின் முதல் பதிப்பு 1998ஆம் ஆண்டு வெளியானது.