ஹெல்லியோபோலிஸ் (பண்டைய எகிப்து)
From Wikipedia, the free encyclopedia
ஹெல்லியோபோலிஸ் (Heliopolis) பண்டைய எகிப்தின் வட எகிப்தில் பாயும் நைல் நதி வடிநிலத்தில் அமைந்த பண்டைய நகரம் ஆகும். இதனை சூரியனின் நகரம் என்பர்.[1] இந்நகரம் பண்டைய எகிப்திய சமயத்தின் மையமாக விளங்கியது. இப்பண்டைய நகரம் தற்போது கெய்ரோ நகரத்திற்கு வடகிழக்கில் ஆயின் சாம் பகுதியில் உள்ளது.
ஹெல்லியோபோலிஸ் I͗wnw or Iunu | |
---|---|
இருப்பிடம் | எகிப்து |
பகுதி | கெய்ரோ ஆளுநனரகம் |
ஆயத்தொலைகள் | 30.129333°N 31.307528°E / 30.129333; 31.307528 |
பழைய எகிப்திய இராச்சியம் (கிமு 2686 – கிமு 2181) மற்றும் மத்தியகால எகிப்திய இராச்சிய (கிமு 2055 – கிமு 1650) ஆட்சிகளில் இந்நகரம் பெரும் புகழுடன் விளங்கியது. தற்போது இந்நகரத்தின் பண்டைய எகிப்தியக் கோயில்கள், கட்டிட அமைப்புகள் பெரிதும் சிதிலமடைந்துள்ளது. பண்டைய எகிப்தின் வரலாற்று ஆவணங்கள், இந்நகரத்தில் தொல்லியல் அகழ்வாய்வுகள் மூலம் கிடைக்கப்பெற்றுள்ளது.
இந்நகரத்தில் 12-வம்சத்தின் பார்வோன் முதலாம் செனுஸ்ரெத் எகிப்திய சூரியக் கடவுள் இராவினை போற்றும் வகையில் நிறுவிய 120 டன் எடையும், 21 மீட்டர் உயரம் கொண்ட சிவப்பு கருங்கல் கல்தூபி கண்டெடுக்கப்பட்டுள்ள்து.[2] பழைய எகிப்திய இராச்சியத்தின் பிரமிடுகள் குறித்த ஆவணங்களில், இந்நகரம் சூரியக் கடவுள் இராவின் வீடு என குறித்துள்ளது.[3]