![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/18/Circle_frame.svg/langta-640px-Circle_frame.svg.png&w=640&q=50)
வியட்நாமில் சமயம்
From Wikipedia, the free encyclopedia
நெடுங்காலமாக நிறுவப்பட்ட வியட்நாமின் சமயங்கள் (religions in Vietnam) எனப்படுபவற்றில் [[வியட்நாமிய நாட்டுப்புறச் சமயம் அடங்கும். இது வரலாற்றியலாக சீனாவின் கன்பூசியனியம், தாவோயியம் சார்ந்த,நெறிமுறைகளையும் திறன்மிக்க பவுத்த தாம் கியாவோ எனும் மும்மை போதனைகளையும் உள்ளடக்கியதாகும். வியட்நாம் உலகின் மிகக் குறைவாக சமய மயமாகிய நாடுகளில் ஒன்றாகும். 2014 ஆம் ஆண்டின் அரச அலுவற் புள்ளிவிவரப்படி, மொத்த மக்கள்தொகையான 90 மில்லியன் மக்களில் 24 மில்லியன் மக்களே நிறுவனச் சமயங்களைச் சார்ந்துள்ளனர். இவரில், 11 மில்லியன் பேர் பவுத்தர் (12.2%), 6.2 மில்லியன் பேர் கத்தோலிக்கர் (6.8%), 4.4 மில்லியன் பேர் சாவோதையர் (4.8%), 1.4 மில்லியன் பேர் சீர்டிருத்தக் கிறித்தவர்(1.6%), 1.3 மில்லியன் பேர் கோவாகோவாவினர் (1.4%), 75,000 பேர் முசுலிம்கள், 7,000 பேர் பாகாலியர், 1,500 பேர் இந்து சமயத்தவர், மேலும் பிற சிறுகுழுக்கள் (<1%) பிற சமயத்தவர் ஆவர்.[1] மரபான தேவர், தேவதை, மூத்தோர் ஆகியவரை வழிபடும் நாட்டுப்புற வடிவம் 1980 களுக்குப் பின்னர் புத்துயிர்ப்பு பெற்றுள்ளது.[2]
![Thumb image](http://upload.wikimedia.org/wikipedia/commons/thumb/1/18/Circle_frame.svg/200px-Circle_frame.svg.png)
வியட்நாமில் சமயம் (2014)[1]
பியூ ஆராய்ச்சி மைய 2010 ஆம் ஆண்டின் அறிக்கைப்படி, மொத்த மக்கள்தொகையில், (45.3%) அளவு வியட்நாமியர் நாட்டுப்புறச் சமயம் சார்ந்துள்ளனர். பவுத்தர்கள் 16.4% அளவினர் ஆவர்; 8.2% அளவினர் கத்தோலிக்கக் கிறித்தவர்கள் ஆவர்; எஞ்சிய 30% அளவினர் சமயம் சாராதவர் ஆவர்.[3][4] அலுவல்முறைப்படி, வியட்நாமியப் பொதுவுடைமைக் கட்சியும் அரசும் வியட்நாமை வியட்நாமியச் சமவுடைமைக் குடியரசு எனவும் இதுவொரு நாத்திக ந்நடு என்வும் அறிவித்துள்ளன.[5]