வளை
விலங்கால் தரையில் தோண்டப்பட்ட துளை அல்லது சுரங்கப்பாதை / From Wikipedia, the free encyclopedia
வளை (Burrow) என்பது விலங்குகளால் தரையில் தோண்டப்பட்ட துளை அல்லது சுரங்கப்பாதை ஆகும். வளையை விலங்குகள் தங்களின் குடியிருப்பு அல்லது தற்காலிக அடைக்கலத் தலமாக பயன்படுத்த ஏற்றதாக உருவாக்குகின்றன. இது இடம்பெயர்தலின் துணை விளைவாகவும் நடக்கிறது. வளைகள் வேட்டையாடிகளிடமிருந்து பாதுகாக்கதக்க இருப்பிடமாகவும் உள்ளன. உலகில் உள்ள பல விலங்கினங்கள் வளைகளை உருவாக்குவது அறியப்படுகிறது. அதில் கோரோபியம் அரேனேரியம் [1] போன்ற சிறிய முதுகெலும்பிலி உயிரினங்களிலிருந்து பனிக்கரடி போன்ற மிகப் பெரிய முதுகெலும்பி உயிரினங்கள் வரை வளைகளை உருவாக்குகின்றன. [2] வளைகள் பலவிதமாக அமைக்கபடுகின்றன. சில சென்டிமீட்டர் நீளமுள்ள எளிய குழாய் போன்றதிலிருந்து சிக்கலான வலையமைப்போடு நூற்றுக்கணக்கான அல்லது ஆயிரக்கணக்கான மீட்டர் நீளமுள்ளதாக ஒன்றோடொன்று இணைக்கும் சுரங்கங்கள், அறைகள் ஆகியவை கொண்டதான வளைகள் உள்ளன. சிக்கலான வலையமைப்பு கொண்ட வளைகளுக்கு ஒரு எடுத்துகாட்டாக, முழுமையாக முடிக்கபட்ட, குழி முயல் வளை ஆகும்.