![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ee/HD.3F.001_%252811086394836%2529.jpg/640px-HD.3F.001_%252811086394836%2529.jpg&w=640&q=50)
லியோன் மேக்சு லேடர்மேன்
From Wikipedia, the free encyclopedia
லியோன் மேக்சு லேடர்மேன் (Leon Max Lederman) ஓர் அமெரிக்க சோதனை இயற்பியலாளர் ஆவார். இவர் 1982 ஆம் ஆண்டு சூலை மாதம் 15 ஆம் நாள் பிறந்தார். மார்டின் இலூயிசு பெர்ல் உடன் இணைந்து குவார்க்குகள் மற்றும் லெப்டன் எனப்படும் மென்மிகள் பற்றிய ஆய்வில் ஈடுபட்டதற்காக இவர்களுக்கு இயற்பியலுக்கான உல்ப் பரிசு 1982 ஆம் ஆண்டு வழங்கப்பட்டது. இதேபோல மெல்வின் சிகுவார்ட்சு மற்றும் யாக் சிடீன்பெர்கர் ஆகியோருடன் இணைந்து நியூட்ரினோ ஆராய்ச்சியில் ஈடுபட்டதற்காக இவர்களுக்கு 1988 ஆம் ஆண்டு இயற்பியலுக்கான நோபல் பரிசும் வழங்கப்பட்டது. அமெரிக்காவின் இல்லினோயிசு மாகாணத்திலுள்ள பட்டாவியா நகரத்தில் உள்ள பெர்மி ஆய்வகத்தின் இயக்குநர் பதவியிலிருந்து ஓய்வுபெற்றார். இவர் 1986 ஆம் ஆண்டில் இல்லினோயிசின் அரோராவில் இல்லினோயிசு கணிதம் மற்றும் அறிவியல் அகாடமியை நிறுவினார். மேலும் 2012 முதல் 2018 ஆம் ஆண்டு அவர் இறக்கும் வரை அங்கு ஓய்வுபெற்ற உறைவிட அறிஞராக இருந்தார் [1][2]. ஒரு திறமையான விஞ்ஞான எழுத்தாளராக இவர் 1993 ஆம் ஆண்டில் தி காட் துகள் என்ற புத்தகத்திற்காக அறியப்பட்டார். இந்நூலில் அடிப்படைத்துகளான இக்சு போசானின் முக்கியத்துவத்தை உறுதிப்படுத்தினார்.
லியோன் மேக்சு லேடர்மேன் Leon M. Lederman | |
---|---|
![]() 1988 இல் லேடர்மேன் | |
பிறப்பு | லியோன் மேக்சு லேடர்மேன் (1922-07-15)சூலை 15, 1922 நியூயார்க்கு நகரம், U.S. |
இறப்பு | அக்டோபர் 3, 2018(2018-10-03) (அகவை 96) ரெக்சுபர், இதாகோ, அமெரிக்கா |
தேசியம் | அமெரிக்க ஐக்கிய நாடுகள் |
துறை | இயற்பியல் |
பணியிடங்கள் | கொலம்பியா பல்கலைக்கழகம் பெர்மி ஆய்வகம் இலினாயிசு தொழில்நுட்பக் கழகம் |
கல்வி | நியூயார்க் சிட்டி கல்லூரி (B.A.) கொலம்பியா பல்கலைக்கழகம் (முனைவர்) |
அறியப்படுவது | நியூட்ரினோக்கள் ஆய்வு, குவார்க்குகள் |
விருதுகள் | இயற்பியலுக்கான நோபல் பரிசு (1988) இயற்பியல் உல்ஃப் பரிசுகள் (1982) தேசிய அறிவியல் பதக்கம் (1965) வன்னேவர் புஃசு விருது (2012) வில்லியம் புரோக்டர் விருது (1991) |
துணைவர் | புளோரன்சு கார்டன் எலன் கார் |