முவாலிம் மாவட்டம்
மலேசியாவின் பேராக் மாநிலத்தில் உள்ள மாவட்டம் From Wikipedia, the free encyclopedia
முவாலிம் (மலாய்: Daerah Muallim); (ஆங்கில மொழி: Muallim District) என்பது மலேசியா, பேராக் மாநிலத்தில் உள்ள பதினொன்றாவது மாவட்டம் ஆகும். இந்த மாவட்டம் சிலாங்கூர் மாநிலத்தின் எல்லையில் பேராக் மாநிலத்தின் தென்கிழக்கு முனையில் அமைந்து உள்ளது. முவாலிம் மாவட்டத்தில் உள்ள முக்கிய நகரங்கள் தஞ்சோங் மாலிம்; சிலிம் ரீவர்; புரோட்டோன் சிட்டி.
 கொடி | |
 முவாலிம் மாவட்டம் அமைவிடம் பேராக் | |
  | |
| ஆள்கூறுகள்: 3°50′N 101°30′E | |
| நாடு |  மலேசியா |
| மாநிலம் |  பேராக் |
| தொகுதி | தஞ்சோங் மாலிம் |
| நகராட்சி | தஞ்சோங் மாலிம் மாவட்ட மன்றம் |
| அரசு | |
| • மாவட்ட அதிகாரி | நோர் ஷாம் ரகுமான் (Nor Sham Rahman) |
| பரப்பளவு | |
| • மொத்தம் | 934.35 km2 (360.75 sq mi) |
| மக்கள்தொகை (2016) | |
| • மொத்தம் | 69,639 |
| • மதிப்பீடு (2015) | 1,00,200 |
| நேர வலயம் | மலேசிய நேரம் ஒ.ச.நே + 08:00 |
| அஞ்சல் குறியீடு | 35700-35900 |
| தொலைபேசி எண்கள் | +6-05 |
| வாகனப் பதிவெண் | A |
பேராக் மாநிலத்தின் தற்போதைய சுல்தான் நஸ்ரின் முயிசுடீன் ஷா அவர்கள் (Sultan Nazrin Muizzuddin Shah) 2016 ஜனவரி 11-ஆம் தேதி, தஞ்சோங் மாலிம் மாவட்ட மன்றக் கட்டிடத்தில், முவாலிம் மாவட்டம் தோற்றுவிக்கப் படுவதாக அறிவித்தார்.[1] இந்த முவாலிம் மாவட்டம் முன்பு பத்தாங் பாடாங் மாவட்டத்தின் ஒரு பகுதியாக இருந்தது.[2] இந்த மாவட்டம் 93,435 ஹெக்டர் நிலப்பரப்பை உள்ளடக்கியது.[3]
முவாலிம் என்பது ஓர் அரபுச் சொல். "ஆசிரியர்" என்று பொருள். சுல்தான் இட்ரிஸ் கல்விப் பல்கலைக்கழகம் இங்கு இருப்பதால் முவாலிம் எனும் பெயர் வழங்கப்பட்டது. இந்தப் பல்கலைக்கழகம் பிரித்தானியக் காலனித்துவ காலத்தில் இருந்து பல்லாயிரம் ஆசிரியர்களை உருவாக்கி உள்ளது.[4]
முவாலிம் மாவட்டம் இரு துணை மாவட்டங்களாகப் பிரிக்கப்பட்டு உள்ளது, அவை:[3]
உலு பெர்ணம் (கிழக்கு மற்றும் மேற்கு) சிலிம் ரீவர்
உலு பெர்ணம் துணை மாவட்டத்தின் கிழக்கு மேற்கு பகுதிகள் சிலாங்கூர் மாநிலத்தின் ஒரு பகுதியான உலு பெர்ணம் நகரத்தால் பிரிக்கப்பட்டு உள்ளன.
முவாலிம் மாவட்டத்தில் ஒரே ஒரு நாடாளுமன்றத் தொகுதி. தஞ்சோங் மாலிம் நாடாளுமன்றத் தொகுதி. இந்தத் தொகுதி முவாலிம் மாவட்டத்தை முழுமையாக உள்ளடக்கியது. அதே வேளையில் பேராக் மாநில சட்டமன்றத்திற்கு இந்த மாவட்டம் இரண்டு மாநிலத் தொகுதிகளை வழங்குகிறது.
| நாடாளுமன்றம் | தொகுதி | நாடாளுமன்ற உறுப்பினர் | கட்சி |
|---|---|---|---|
| P77 | தஞ்சோங் மாலிம் | சாங் லீ காங் | பாக்காத்தான் ஹராப்பான் |
பேராக் மாநிலச் சட்டமன்றத்தில் முவாலிம் மாவட்டத்தின் பிரதிநிதிகள்
| நாடாளுமன்றம் | மாநிலம் | தொகுதி | சட்டமன்ற உறுப்பினர் | கட்சி |
|---|---|---|---|---|
| P77 | N58 | சிலிம் ரீவர் | முகமட் சைடி அசீஸ் | பாரிசான் நேசனல் (அம்னோ) |
| P77 | N59 | பேராங் | அமினுடின் சுல்கிப்லி | பாக்காத்தான் ஹராப்பான் (அமானா) |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
