முத்தியாரா ரினி

முத்தியாரா ரினி, (மலாய்: Taman Mutiara Rini; ஆங்கிலம்: Mutiara Rini; சீனம்: 麗寧鎮)) என்பது மலேசியா, ஜொகூர் மாநிலத்தில், ஜொகூர் பாரு மாவட்டம், இசுகந்தர் புத்திரி மாநகர்ப் பகுதியில் அமைந்துள்ள ஒரு நகர்ப்புறம் ஆகும். மாநிலத் தலைநகர் ஜொகூர் பாருவில் இருந்து 19 கி.மீ. தொலைவில் அமைந்துள்ளது.^[1]

முத்தியாரா ரினி
நகரம்
Mutiara Rini
முத்தியாரா ரினி நகர்ப்பகுதி
முத்தியாரா ரினி மலேசியாவில் அமைவிடம்
ஆள்கூறுகள்: 1°31′N 103°40′E
நாடு	மலேசியா
மாநிலம்	ஜொகூர்
மாவட்டம்	ஜொகூர் பாரு
மாநகரம்	இசுகந்தர் புத்திரி
உருவாக்கம்	1996
அரசு
• நகரண்மைக் கழகம்	இசுகந்தர் புத்திரி மாநகராட்சி
நேர வலயம்	ஒசநே+8 (மலேசிய நேரம்)
மலேசிய அஞ்சல் குறியீடு	81300
மலேசியத் தொலைபேசி எண்	+6-07
மலேசியப் போக்குவரத்துப் பதிவெண்	J
இணையதளம்	www.mbip.gov.my

இந்த நகரம் 1996-ஆம் ஆண்டில் நிறுவப்பட்டது. அதற்கு முன்பு இந்த இடம் ரினி தோட்டம் என்று அழைக்கப்பட்டது. 1996-ஆம் ஆண்டுக்குப் பிறகு முத்தியாரா ரினி என்று அழைக்கப்படுகிறது. முத்தியாரா ரினி நகர்ப் புறத்தில் 10,000 மலிவுவிலை வீடுகளும் ஆடம்பர வீடுகளும் உள்ளன.

ரினி தோட்டம்

மலேசியாவில் மிகப் பழமையான தோட்டங்களில் ரினி தோட்டமும் ஒன்றாகும். 1900-ஆண்டுகளில் உருவானது. ரினி தோட்டம் ஒரு ரப்பர் தோட்டம். பின்னர் எண்ணெய் பனை தோட்டமாக மாற்றம் கண்டது. 1996-க்குப் பின்னர் இந்த தோட்டம் முத்தியாரா ரினி (Mutiara Rini) என்று அழைக்கப் படுகிறது.^[2]

ரினி தோட்டத் தமிழ்ப்பள்ளி

முத்தியாரா ரினி நகர்ப் பகுதியில் ஒரு தமிழ்ப்பள்ளி உள்ளது. அதன் பெயர் ரினி தோட்டத் தமிழ்ப்பள்ளி 1958-ஆம் ஆண்டில் கட்டப்பட்டது. இந்தப் பள்ளியும் மலேசியத் தமிழர்களின் வரலாற்றில் பல சாதனைகளைப் படைத்து உள்ளது.

1985-ஆம் ஆண்டில், ரினி தோட்டத்தில் ஒரு வீட்டமைப்புத் திட்டம் மேற்கொள்ளப்பட்டது. அதனால் ரினி தோட்டத் தமிழ்ப்பள்ளி, லீமா கெடாய் (Lima Kedai) எனும் இடத்திற்கு மாற்றப்பட்டது. புதிய மாற்றுப் பள்ளி, இப்போதைய முத்தியாரா ரினி வீட்டு மேம்பாட்டாளரால் கட்டப்பட்டது. பள்ளியின் பரப்பளவு 1 எக்டர். 8 வகுப்பறைகளைக் கொண்டது.^[3]

2014-ஆம் ஆண்டில் புதிய கட்டடம்

புதிய பள்ளி 1996 நவம்பர் மாதம் 4-ஆம் தேதி செயல்படத் தொடங்கியது. 2000-ஆம் ஆண்டில், நிர்வாக அலுவலகம் மற்றும் நூலகம் போன்றவை; பொதுமக்கள், நாடாளுமன்ற, சட்டமன்றப் பிரதிநிதிகளின் உதவியுடன் கட்டப்பட்டன. மாணவர் எண்ணிக்கையும் அதிகரித்தது

பின்னர் 2001-ஆம் ஆண்டு இப்பள்ளியில் மேலும் இரண்டு வகுப்பறைகள் கட்டப்பட்டன. 2003-ஆம் ஆண்டு பள்ளி உணவகம் புதுப்பிக்கப்பட்டது. 2003-ஆம் ஆண்டின் இறுதியில் கணினிக் கல்விக்காக மற்றொரு கூடுதல் கட்டிடம் கட்டப்பட்டது. பற்பல் போராட்டங்களுக்குப் பின்னர் 2014-ஆம் ஆண்டில் புதிய கட்டடம் திறக்கப்பட்டது.^[4]

2020-ஆம் ஆண்டு புள்ளிவிவரங்களின்படி, இந்தப் பள்ளியில் 683 மாணவர்கள் பயில்கிறார்கள். 45 ஆசிரியர்கள் சேவை செய்கிறார்கள்.^[5]

இடம்	பள்ளியின் பெயர் மலாய்	பள்ளியின் பெயர் தமிழ்	வட்டாரம்	மாணவர்கள்	ஆசிரியர்கள்
முத்தியாரா ரினி	SJK(T) Ladang Rini	ரினி தோட்டத் தமிழ்ப்பள்ளி	ஜொகூர் பாரு	683	45

ரினி தோட்டத் தமிழ்ப்பள்ளி தொடர்பான படங்கள்

• மாணவர்களின் படங்கள்

• தேசிய நிலை தகவல் தொடர்பு தொழில்நுட்பப் போட்டி 2016

• ரினி தோட்டத் தமிழ்ப்பள்ளியின் புதிய இரட்டை மாடிக் கட்டடம்

மேலும் காண்க

• ஸ்கூடாய்
• கெலாங் பாத்தா
• இசுகந்தர் புத்திரி

மேற்கோள்கள்

1. "Profil Ahli Majlis". 1 January 2016.
2. "Taman Mutiara Rini located in Skudai, Johor". www.mutiararini.com.my. பார்க்கப்பட்ட நாள் 26 November 2021.
3. "Ladang Rini National Type School (Tamil) is located in Lima Kedai, Skudai, Johor Bahru. This school has been at the Lima Kedai area since 1997 after moving from Ladang Rini (Now known as Taman Mutiara Rini)". 17 November 2009. பார்க்கப்பட்ட நாள் 29 August 2022.
4. "Sekolah asal SJK(T) Ladang Rini telah ditubuhkan pada tahun 1985 di Ladang Rini". பார்க்கப்பட்ட நாள் 26 November 2021.
5. "Senarai Sekolah Rendah dan Menengah Jan 2020 - SEKOLAH JENIS KEBANGSAAN (TAMIL) LADANG RINI". www.moe.gov.my. பார்க்கப்பட்ட நாள் 2021-11-26.

வெளி இணைப்புகள்

விக்கிமீடியா பொதுவகத்தில்,
Mutiara Rini
என்பதில் ஊடகங்கள் உள்ளன.

‎