![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/dc/CDC_electronic_cigarettes_October_2015_%2528cropped%2529.png/640px-CDC_electronic_cigarettes_October_2015_%2528cropped%2529.png&w=640&q=50)
மின்னணு சுருட்டு
From Wikipedia, the free encyclopedia
மின்னணு சுருட்டு அல்லது வேப் (உறிஞ்சுதல்) [note 1] என்பது புகையிலை புகைப்பதை உருவகப்படுத்தும் ஒரு சாதனம் ஆகும். இது ஒரு அணுவாக்கி, மின்கலம் போன்ற சக்தி மூலத்தையும், திரவத்தால் நிரப்பப்பட்ட கெட்டி அல்லது தொட்டி போன்ற கொள்கலனையும் கொண்டுள்ளது. புகைக்கு பதிலாக, பயனர் நீராவியை உள்ளிழுக்கிறார். [1] எனவே, மின்-சுருட்டு பயன்படுத்துவது பெரும்பாலும் " வாப்பிங் (உறிஞ்சுதல்) " என்று அழைக்கப்படுகிறது. [2] அணுவாக்கி என்பது ஒரு வெப்பமூட்டும் உறுப்பு ஆகும், இது மின்-திரவ எனப்படும் திரவக் கரைசலை ஆவியாக்குகிறது, [3] இது சிறிய நீர்த்துளிகள், நீராவி மற்றும் காற்றின் நுண்ணிய துகளில் (ஏரோசோலில்) விரைவாக குளிர்கிறது. [4] மின்னணு-சுருட்டுகள் உறிஞ்சுதல்(பஃப், ஆங்:pup) அல்லது ஒரு பொத்தானை அழுத்துவதன் மூலம் செயல்படுத்தப்படுகின்றன. [2] [5] சில பாரம்பரிய சிகரெட்டுகள் போலவே இருக்கும், [2] [6] மற்றும் பெரும்பாலான வகைகள் மீண்டும் பயன்படுத்தக்கூடியவை. [8] நீராவி முக்கியமாக ப்ரோப்பிலீன் கிளைகோல் மற்றும்/அல்லது கிளிசரின், பொதுவாக நிகோடின் மற்றும் சுவையூட்டல் ஆகியவற்றைக் கொண்டுள்ளது. பயனர் நடத்தை உட்பட பல விஷயங்களைப் பொருத்து அதன் சரியான கலவை மாறுபடும். [note 3]
![Photo of device](http://upload.wikimedia.org/wikipedia/commons/thumb/2/2f/Electronic_Cigarette_and_USB_Charger_%2814939561277%29_%28retouched%29.jpg/640px-Electronic_Cigarette_and_USB_Charger_%2814939561277%29_%28retouched%29.jpg)
![Photo of devices](http://upload.wikimedia.org/wikipedia/commons/thumb/d/dc/CDC_electronic_cigarettes_October_2015_%28cropped%29.png/640px-CDC_electronic_cigarettes_October_2015_%28cropped%29.png)
![Thumb image](http://upload.wikimedia.org/wikipedia/commons/thumb/9/96/All_e-cigarettes_vs._Juul.jpg/640px-All_e-cigarettes_vs._Juul.jpg)
புகைபிடிப்பதை விட வாப்பிங் மிகவும் குறைவான தீங்கு விளைவிக்கும், ஆனால் இதுவும் தீங்கு விளைவிக்க கூடியவையாகும். [9] [10] சிகரெட் புகையை விட மின்னணு-சிகரெட் ஆவியில் குறைவான நச்சுகள் உள்ளன. சிகரெட் புகையில் இல்லாத வேறுசில தீங்கு விளைவிக்கும் பொருட்களின் தடயங்கள் இதில் உள்ளன. [10]
நிகோடின் மிகவும் அடிமையாக்கும் பொருளாகும். [11] [12] [13] நிக்கோடினை உட்கொள்ளும் பயனர்கள் உடல் ரீதியாகவும் உளவியல் ரீதியாகவும் நிக்கோடினைச் சார்ந்து இருக்கிறார்கள். [14] இன்றையளவில் நீண்ட காலத்திற்கு மின்னணு-சிகரெட்டுகள் எவ்வளவு தீங்கு விளைவிக்கின்றன என்பது விஞ்ஞானிகளுக்குத் தெரியாது [15] [16] ஏனென்றால், பலர் புகைபிடிக்கும் போது இருமுறைகளையும் பின்பற்றுவதால் வழமையான புகைபிடிப்பதன் விளைவுகளிலிருந்து மின்னணு முறையில் புகைப்பிடிப்பதன் விளைவுகளைப் பிரிப்பது கடினம். [note 1] [17] மின்-சிகரெட்டுகள் போதுமான அளவு அல்லது நீண்ட காலமாகப் பயன்படுத்தப்படவில்லை. [18] [19] [20]
புகைபிடிப்பதை விட்டுவிட முயற்சிப்பவர்களுக்கு, பரிந்துரைக்கப்பட்ட நிகோடின் மாற்று சிகிச்சையுடன் (NRT) இ-சிகரெட்டைப் பயன்படுத்துவது அதிக விலகல் விகிதத்திற்கு வழிவகுக்கிறது. [21] [22] மருத்துவ உதவியின்றி புகைபிடிப்பதை நிறுத்த முயற்சிப்பவர்களுக்கு, ஆதாரங்கள் தரம் குறைவாக இருப்பதால், மின்-சிகரெட் வெளியேறும் விகிதத்தை உயர்த்துமா என்பது தெளிவாகத் தெரியவில்லை. [23]