மாந்தரின ஊன்குருத்து மரபன் ஒருமைப் பண்புக் குழு
From Wikipedia, the free encyclopedia
மாந்தரின மரபியலில், மாந்தரின ஊன்குருத்து மரபன் ஒருமைப் பண்புக் குழு (human mitochondrial DNA haplogroup) என்பது மாந்தரின ஊன்குருத்து மரபன் வேறுபாட்டல் வரையறுக்கப்படுகிறது. இவை தொகுதிமரபுக் கால்வ்ழியின் கிளைபிரிவுப் புள்ளியைக் குறிக்கின்றன. தாய்வழிக் கால்வழியில் படிமலர்ச்சி வழித்தடத்தைப் புரிந்துகொள்ளல் மக்கள்தொகை மரபியலில் இக்கால மாந்தரின் தாய்வழி மரபுக் கையளிப்பை மாந்தனின் ஆப்பிரிக்கத் தோற்றநிலையில் இருந்தே அறியவும் பின்னர் நேர்ந்த உலகப் பரவலை அறியவும் உதவுகிறது.
ஒருமைப் பண்புக் குழுக்களின் எழுத்துப் பெயர்கள் ஏ (A) முதல் இசட் (Z) வரை அமைந்துள்ளன. இவை கண்டுபிடிப்பு வரிசையில் அமைதலால், அவை உண்மையான மரபியல் உறவைக் காட்டுவதில்லை.
இந்த ஊன்குருத்துமரபன் ஒருமைப் பண்புக் குழுக்கள் அனைத்துக்குமான வேராக விளங்கும் கருதுகோள்நிலைப் பெண் அல்லது தாய்வழி மூதாதை மிக அண்மைப் பொது மூதாதை (MRCA), நிகழ்காலத்தில் வாழும் உலக மக்களின் மிக அண்மைப் பொது மூதாதை ஊன்குருத்து ஏவாள் எனப்படுகிறார்.