From Wikipedia, the free encyclopedia
மலேய முள்ளம்பன்றி (Malayan porcupine) அல்லது இமயமலை முள்ளம்பன்றி (கைசுட்ரிக்சு பிராக்கியூரா) என்பது கிசுடிரிசிடே குடும்பத்தில் உள்ள கொறிணி சிற்றினமாகும். தெற்கு மற்றும் தென்கிழக்கு ஆசியாவில் மூன்று துணையினங்கள் இச்சிற்றினத்தின் கீழ் உள்ளன.
மலேய முள்ளம்பன்றி | |
---|---|
கிசுடிரிக்சு பிராக்கியூரா, தாய்லாந்தில் | |
உயிரியல் வகைப்பாடு | |
திணை: | |
பிரிவு: | |
வகுப்பு: | |
வரிசை: | |
குடும்பம்: | கைட்ரிசிடே |
பேரினம்: | |
இனம்: | கை. பிராக்கியூரா |
இருசொற் பெயரீடு | |
கைசுட்ரிக்சு பிராக்கியூரா (லின்னேயஸ், 1758) | |
துணையினங்கள் | |
கை. பி. பிராக்கியூரா | |
நேபாளத்திலிருந்து வடகிழக்கு இந்தியா (அருணாச்சலப் பிரதேசம், சிக்கிம், மேற்கு வங்காளம், மணிப்பூர், மிசோரம், மேகாலயா மற்றும் நாகாலாந்து), வங்காளதேசம், மத்திய மற்றும் தெற்கு சீனா (சியாங், ஆய்னான், யுன்னான், சிச்சுவான், சோங்கிங், குய்சோ, ஹுனான்) வரை மலேய முள்ளம்பன்றி காணப்படுகிறது. மேலும் குவாங்சி, குவாங்டாங், ஆங்காங், புஜியான், ஜியான்சி, ஜெஜியாங், ஷாங்காய், சியாங்சு, அன்ஹுய், ஹெய்னான், ஹூபே, ஷான்சி, கான்சு, மியான்மர் முழுவதும், தாய்லாந்து, லாவோஸ், கம்போடியா மற்றும் வியட்நாம், தீபகற்பம் வழியாக, இந்தோனேசியா, சுமாத்திரா (சிங்கப்பூர், மலேசியா) மற்றும் போர்னியோ முழுவதும் (இந்தோனேசியா, மலேசியா, சரவாக் [4] மற்றும் புருனே) பரவியுள்ளது. இது மலேசியாவின் பினாங்கு தீவிலும் உள்ளது. கடல் மட்டத்திலிருந்து குறைந்தது 1,300 மீ உயரம் வரை இதைக் காணலாம்.ref name = iucn />
இந்த சிற்றினம் மற்றும் அவற்றின் நெருங்கிய உறவினர்கள், இவற்றின் தற்போதைய பரவலின் அடிப்படையில், தெற்கு ஆசியாவில் தோன்றியதாக நம்பப்படுகிறது. சுமாத்திரா, போர்னியோ மற்றும் பலவான் ஆகியவை சுண்டலாந்தின் ஒரு பகுதியாக இருந்தபோது, பிலிஸ்டோசீனின் பிற்பகுதியில் இவை பொதுவான மூதாதையரைக் கொண்டிருக்கலாம் என நம்பப்படுகிறது.
மலேய முள்ளம்பன்றிகள் நிலப்பரப்பு மற்றும் பொதுவாக பல்வேறு வகையான வன வாழ்விடங்களிலும், காடுகளுக்கு அருகிலுள்ள திறந்த பகுதிகளிலும் சிறிய குழுக்களாகக் காணப்படுகின்றன. இவை அருகிலுள்ள விவசாயப் பகுதிகளில் வழிதவறலாம். இவை பெரும்பாலும் பாறைப் பகுதிகளுக்கு அருகில் அல்லது மரங்களின் துளைகள் அல்லது வேர் அமைப்புகளில் உள்ள பொந்துகளில் வசிக்கின்றன. இவை வளை தோண்டி வாழக்கூடும். இதிலிருந்து பாதைகளின் வலையமைப்பு சுற்றியுள்ள வாழ்விடங்களுக்குள் ஊடுருவ வழி வகுக்கின்றது. சுமார் 1500 மீ உயரம் வரை உள்ள அனைத்து காடுகளிலும் இவை காணப்படுகின்றன.[5]
பெண் முள்ளம்பன்றிகளின் கர்ப்ப காலம் 110 நாட்கள் ஆகும். இவை இரண்டு அல்லது மூன்று குட்டிகளை ஈணுகின்றன. இச்சிற்றினம் ஆண்டுக்கு இரண்டு முறை குட்டிகளைப் பெற்றெடுக்கலாம்.[1]
மலேய முள்ளம்பன்றியின் உடலானது கூர்மையான, திடமான நீண்ட முட்களால் மூடப்பட்டுள்ளது. இந்த முட்கள் மாற்றியமைக்கப்பட்ட உரோமங்களாகும்.[5] இவற்றின் மேல் உடல் பாகங்கள் வெள்ளை அல்லது மஞ்சள் கோடுகளுடன் கருப்பு நிறத்துடன் கரடுமுரடானவை. இளம் வயதில் மென்மையாகக் காணப்படும் இந்த முட்கள் முதிர்வயதுக்கு வரும்போது கடினமாகின்றன. இவை பழுப்பு நிற முடிகளால் மூடப்பட்ட குறுகிய, வலுவான கால்களைக் கொண்டுள்ளன. இவை முன்காலில் நான்கு பின் கால்களில் ஐந்து என நகங்களைக் கொண்டுள்ளன. முன் மற்றும் பின் கால்கள் இரண்டும் மென்மையான உள்ளங்கால்களைக் கொண்டுள்ளன. தலை மற்றும் உடல் நீளம் சுமார் 56-74 செ.மீ. ஆகும். வாலின் நீளம் சுமார் 6-11 செ.மீ. ஆகும். இதனுடைய எடை 10 முதல் 18 கிலோ வரை இருக்கும்.[6]
மலேய முள்ளம்பன்றி பொதுவாக வேர்கள், கிழங்குகள், பட்டை மற்றும் விழுந்த பழங்களை உண்ணும். இவை அழுகுடல், பூச்சிகள் மற்றும் சிசோசெட்டன் குமிங்கியனசு போன்ற பெரிய வெப்பமண்டல விதைகளையும் சாப்பிடுகின்றன.
எச். பிராக்கியுரா இரவில் உணவு தேடி பகலில் ஓய்வெடுக்கிறது. இது தனித்தனியாகவோ அல்லது இணையாகவோ காணப்படலாம். இது நீந்த இயலும். மலேய முள்ளம்பன்றி பொதுவாக ஒரு நேரத்தில் ஒரு குட்டியை ஈனும். ஆனால் இரண்டு குட்டிகளைப் பிரசவிப்பதும் பதிவு செய்யப்பட்டுள்ளது. கர்ப்ப காலம் சுமார் 90 முதல் 112 நாட்கள் ஆகும். இவற்றின் அதிகபட்ச ஆயுட்காலம் சுமார் 27 ஆண்டுகள் ஆகும்.
பன்னாட்டு இயற்கைப் பாதுகாப்புச் சங்கம் இந்த இனத்தை தீவாய்ப்புக் கவலை குறைந்த இனமாக வகைப்படுத்தியுள்ளது. மலேய முள்ளம்பன்றியின் முட்கள் அலங்கார நோக்கங்களுக்காகப் பயன்படுத்தப்படுகின்றன. முள்ளம்பன்றிகள் இறைச்சிக்காகவும் பாரம்பரிய சீன மருந்துகளுக்காகவும் வேட்டையாடப்படுகின்றன.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.