மலேசிய ஒற்றுமை அமைச்சு
From Wikipedia, the free encyclopedia
From Wikipedia, the free encyclopedia
மலேசிய ஒற்றுமை அமைச்சு (மலாய்: Kementerian Perpaduan Negara Malaysia; ஆங்கிலம்: Ministry of National Unity Malaysia) என்பது மலேசிய அரசாங்கத்தின் கீழ் உள்ள அமைச்சகங்களில் ஒன்றாகும். மலேசிய மக்களிடையே ஒற்றுமையை வளர்க்கவும்; நல்லிணக்கம், இனச் சகோதரத்துவம் ஆகியவற்றை வலுப்படுத்தவும்; உருவாக்கப்பட்ட அமைச்சு ஆகும். இந்த அமைச்சு ஓர் அமைச்சர்; மற்றும் ஒரு துணை அமைச்சர் தலைமையில் உள்ளது.[3]
Ministry of National Unity Malaysia Kementerian Perpaduan Negara Malaysia | |
இடதுபுற கோபுரத்தில் மலேசிய ஒற்றுமை அமைச்சகம் | |
அமைச்சு மேலோட்டம் | |
---|---|
அமைப்பு | 1972 |
முன்னிருந்த அமைச்சு | |
ஆட்சி எல்லை | மலேசிய அரசாங்கம் |
தலைமையகம் | Kementerian Perpaduan Negara, Aras 5 - 10, Blok F9, Parcel F, Lebuh Perdana Timur, Presint 1, 62000 புத்ராஜெயா 02°56′39″N 101°42′34″E |
பணியாட்கள் | 4732 (2023) |
ஆண்டு நிதி | MYR 571,341,500 (2022 - 2023)[1] |
அமைச்சர் |
|
அமைச்சு தலைமை |
|
வலைத்தளம் | www |
அடிக்குறிப்புகள் | |
முகநூலில் மலேசிய ஒற்றுமை அமைச்சு |
இந்த அமைச்சு முன்பு மலேசியாவின் பிரதமரின் துறையின் கீழ் தேசிய ஒற்றுமை இலாகா எனும் பெயரில் (Department of the Prime Minister of Malaysia) இருந்தது. 1 ஜூலை 1969-இல் மலேசியாவின் பிரதமரின் துறையின் கீழ் தேசிய ஒருமைப்பாட்டுத் துறையை (Department of National Unity) நிறுவியதன் மூலம் இந்த அமைச்சு அறிமுகப்படுத்தப்பட்டது.
1969 ஆம் ஆண்டு ஜூலை 1 ஆம் தேதி, மலேசியா அனுபவித்த மே 13 நிகழ்வுகளின் பிரதிபலிப்பாக பிரதமர் துறையின் கீழ் தேசிய ஒருமைப்பாட்டுத் துறை முதலில் நிறுவப்பட்டது. 1972-இல், தேசிய ஒற்றுமை அமைச்சு (Ministry of National Unity) என முழு அமைச்சாகத் தரம் உயர்த்தப்பட்டது.
தேசிய ஒற்றுமை இலாகா, 1980-ஆம் ஆண்டில் இருந்து 1990-ஆம் ஆண்டு வரை பிரதமர் துறையின் கீழ் இயங்கி வந்தது. 1990 மலேசிய பொதுத் தேர்தலுக்குப் பிறகு, தேசிய ஒற்றுமை மற்றும் சமூக மேம்பாட்டு அமைச்சு (Ministry of National Unity and Community Development) என முழு அமைச்சாகத் தரம் உயர்த்தப்பட்டது. இந்தப் புதிய அமைச்சு 2004-ஆம் ஆண்டு வரை இயங்கி வந்தது.
2004-ஆம் ஆண்டு, இந்த அமைச்சு பிரதமர் துறையில் மீண்டும் ஒரு துறையாக (Department) இணைக்கப்பட்டது. 2008-ஆம் ஆண்டு, இந்தத் துறை, மலேசியக் கலாசார அமைச்சில் இணைக்கப்பட்டு; ஒற்றுமை, கலாசாரம், கலை மற்றும் பாரம்பரிய அமைச்சாக (Ministry of Unity, Culture, Arts and Heritage) மாறியது.
2009-ஆம் ஆண்டு, மலேசியப் பிரதமர் மாற்றத்திற்குப் பிறகு, ஒற்றுமைத் துறை (Unity Portfolio) என பெயர் மாற்றம் செய்யப்பட்டு மீண்டும் பிரதமர் துறையின் கீழ் இணைக்கப்பட்டது. மலேசியாவின் 2020-ஆம் ஆண்டு அரசியல் நெருக்கடிக்கு (2020–2022 Malaysian Political Crisis) பிறகு, இந்த ஒற்றுமைத் துறை மீண்டும் ஒரு முழு அமைச்சாக மாற்றப்பட்டது; அதாவது இப்போதைய மலேசிய ஒற்றுமை அமைச்சு.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.