![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/71/Sven_Palmqvist_1965.jpg/640px-Sven_Palmqvist_1965.jpg&w=640&q=50)
பெரே
From Wikipedia, the free encyclopedia
பெரே (beret) என்பது மென்மையானதும், வட்ட வடிவம் கொண்டதும், தட்டையான உச்சியைக் கொண்டதுமான ஒரு வகைத் தொப்பி. இதைப் பொதுவாக நெய்யப்பட்ட அல்லது கையால் பின்னப்பட்ட கம்பளியினால் அல்லது அழுத்திய கம்பளித் தகட்டினால் செய்வர். தற்காலத்தில் இத் தொப்பிகளைச் செய்வதற்கு அக்கிரிலிக் செயற்கை இழைகளையும் பயன்படுத்துகின்றனர். தற்காலத்து பெரேடுகள் பாசுக்கு இடையர்கள் பாரம்பரியமாக அணிந்த தொப்பியில் இருந்து வளர்ச்சியடைந்தது. 19 ஆம் நூற்றாண்டில் பிரான்சிலும், இசுப்பெயினிலும் முதன் முதலாகப் பெரும்படியாக இத் தொப்பிகளை உற்பத்தி செய்யத் தொடங்கினர். இன்றும் இத் தொப்பி வகை, இவ்விரு நாடுகளுடனும் தொடர்புடையதாக இருந்து வருகிறது. இத் தொப்பியை உலகம் முழுவதிலும் உள்ள பல படைத்துறையினரும், காவல் துறையினரும் தமது சீருடையின் ஒரு பகுதியாக அணிகின்றனர். வேறு அமைப்புக்களும் கூட இவற்றைத் தமது உறுப்பினர்களுக்கான சீருடையின் ஒரு பகுதியாக ஆக்கியுள்ளன.
![Thumb image](http://upload.wikimedia.org/wikipedia/commons/thumb/7/71/Sven_Palmqvist_1965.jpg/320px-Sven_Palmqvist_1965.jpg)