![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1a/StJohnsAshfield_StainedGlass_GoodShepherd_Face.jpg/640px-StJohnsAshfield_StainedGlass_GoodShepherd_Face.jpg&w=640&q=50)
பெந்தகோஸ்து சபை இயக்கம்
கிறிஸ்தவ சபை / From Wikipedia, the free encyclopedia
பெந்தகோஸ்து சபை இயக்கம் (Pentecostalism அல்லது Classical Pentecostalism) என்பது கிறித்தவ சமயத்தின் ஒரு பிரிவாக அமைந்து, தூய ஆவியில் திருமுழுக்கு என்னும் வழியாகக் கடவுள் பற்றிய நேரடி அனுபவம் பெறுவதை வலியுறுத்தும் இயக்கம் ஆகும்.
![](http://upload.wikimedia.org/wikipedia/commons/thumb/7/7a/Laying_on_of_hands.jpg/320px-Laying_on_of_hands.jpg)
பெந்தகோஸ்து என்னும் சொல்லின் பிறப்பிடம் கிரேக்க மொழி ஆகும். யூத மக்கள் பாஸ்கா திருவிழாவிலிருந்து ஏழு வாரங்கள் கணக்கிட்டு, ஐம்பதாம் நாளில் "அறுவடைப் பெருவிழா" கொண்டாடினார்கள் (காண்க: லேவியர் 23:15-16). அக்கொண்டாட்டம்தான் கிரேக்கத்தில் பெந்தகோஸ்து ("ஐம்பதாம் நாள் விழா") என்ற பெயர் பெற்றது. கிறித்தவர்களைப் பொறுத்தமட்டில் இயேசுவின் சிலுவைச் சாவும் உயிர்த்தெழுதலும் நிகழ்ந்து ஐம்பது நாள்கள் நிறைவுற்றபோது, நம்பிக்கை கொண்டோர்மீது தூய ஆவி இறங்கிவந்து அவர்களைத் திடப்படுத்தினார் என்னும் நம்பிக்கைமீது "பெந்தகோஸ்து" விழா அமைந்தது (காண்க: திருத்தூதர் பணிகள் 2:1-41).