![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/eb/Earth%2527s_shadow_and_Belt_of_Venus.jpg/640px-Earth%2527s_shadow_and_Belt_of_Venus.jpg&w=640&q=50)
பூமியின் நிழல்
From Wikipedia, the free encyclopedia
பூமியின் நிழல் (Earth's shadow) என்பது பூமியே அதன் வளிமண்டலத்தில் வார்க்கும் நிழலைக் குறிப்பதாகும். இது பூமி நிழல் என்றும் சில சமயங்களில் இருண்ட பிரிவு என்றும் அழைக்கப்படுவதுண்டு. பெரும்பாலும் இந்த நிழலை பூமியின் மேற்பரப்பு வானில் கருப்புப் பட்டையாக தொடுவானத்திற்கு அருகில் காணமுடியும். இந்த வளிமண்டல நிகழ்வு சில நேரங்களில் சூரியன் மறைவு மற்றும் சூரியன் எழுச்சி ஆகிய இரண்டு முறையும் காணலாம்.
![Thumb image](http://upload.wikimedia.org/wikipedia/commons/thumb/e/eb/Earth%27s_shadow_and_Belt_of_Venus.jpg/320px-Earth%27s_shadow_and_Belt_of_Venus.jpg)
அதேசமயம், இந்த இரவுநேர நிகழ்வு (பூமியின் நிழல் வார்க்கும் செயல்பாடு) அனைவருக்கும் அறிமுகமான ஒரு நிகழ்வேயாகும். சூழ்நிலையின் மீது பூமியின் நிழல் ஏற்படுத்தும் விளைவு வானத்தில் தெரியக்கூடியதே ஆகும். எனினும் பெரும்பாலும் இரவென்பதால் இந்நிகழ்வு அங்கீகரிக்கப்படாத ஒன்றாகவே செல்கிறது. பூமியின் வளிமண்டலத்தில் விழும் இந்நிழல் அந்தியொளியில் உற்றுநோக்கர்களின் பார்வைக்குத் தெரியும். வானிலை மற்றும் பார்வையாளர் பார்க்கும் புள்ளி போன்றவை அடிவானத்தில் விழும் நிழலை தெளிவாகப் பார்க்க அனுமதிக்கும். ஓர் அடர் நீலம் அல்லது சாம்பல்-நீலத்தில் நீலப்பட்டையாக இந்நிழலைப் பார்க்க முடியும். ஒருவேளை வானம் தெளிவாக இருப்பதாக ஊகித்துக் கொண்டால், பூமியின் நிழலை சூரிய மறைவு அல்லது சூரிய எழுச்சிக்கு எதிராக உள்ள வானத்தின் மற்றொரு பாதியில் தொடுவானத்திற்கு சற்று மேலே அடர்நீலப் பட்டையாகப் பார்க்க முடியும்.
வெள்ளி மண்டலம் அல்லது எதிர் அந்தியொளி வளைவு என்ற நிகழ்வும் இதைபோன்ற இதனுடன் தொடர்புடைய மற்றொரு நிகழ்வாகும். அடர்நீல பூமியின் நிழலுக்கு சற்று மேலாக ஒரு இளஞ்சிவப்பு பட்டை தெரியும். பூமியின் நிழலையும் வெள்ளி மண்டலத்தையும் பிரித்துக்காட்டக்கூடிய வரையறுக்கப்பட்ட கோடு ஏதும் அங்கில்லை. மாறாக ஒரு வண்ணப் பட்டை ஒன்றிலிருந்து மற்றொன்றிற்குள் வளைந்தாற் போல் செல்கிறது.
![Thumb image](http://upload.wikimedia.org/wikipedia/commons/thumb/c/ce/Golden_Gate_Bridge%2C_the_Belt_of_Venus_and_the_Earth%27s_shadow.jpg/640px-Golden_Gate_Bridge%2C_the_Belt_of_Venus_and_the_Earth%27s_shadow.jpg)