![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/bc/Bay_of_Biscay_map.png/640px-Bay_of_Biscay_map.png&w=640&q=50)
பிஸ்கே விரிகுடா
From Wikipedia, the free encyclopedia
பிஸ்கே விரிகுடா (Bay of Biscay, /ˈbɪskeɪ, -ki/ (எசுப்பானியம்: Golfo de Vizcaya, பிரெஞ்சு மொழி: Golfe de Gascogne) என்பது வடகிழக்கு அத்திலாந்திக்குப் பெருங்கடலில் செல்டிக் கடலுக்கு தெற்கே அமைந்துள்ள விரிகுடாவாகும். இது பிரான்சின் மேற்கு கடலோரத்தில் பிரெஸ்ட்டுக்குத் தெற்கிலிருந்து எசுப்பானிய எல்லை வரையிலும், எசுப்பானியாவின் வடக்குக் கடலோரத்தில் ஓர்டெகா முனைக்கு மேற்கு வரையும் பரவியுள்ளது.
![பிஸ்கே விரிகுடாவை குறிக்கும் நிலப்படம்.](http://upload.wikimedia.org/wikipedia/commons/thumb/b/bc/Bay_of_Biscay_map.png/640px-Bay_of_Biscay_map.png)
இங்கு சராசரி ஆழம் 1,744 மீட்டர்கள் (5,722 அடி) ஆகும்;மிகவும் ஆழமான பகுதி 4,735 மீட்டர்கள் (15,535 அடி) ஆழத்தில் உள்ளது.[1]
அத்திலாந்திக்குப் பெருங்கடல் பகுதியில் மிகவும் மோசமான வானிலை நிலவும் இடங்களில் பிஸ்கே விரிகுடாவும் ஒன்றாகும். இங்கு சூறாவளிகளும் புயல்களும், குறிப்பாக குளிர் காலத்தில், எழுவதுண்டு. அண்மைக்காலம் வரை இங்கு பல கப்பல்கள் புயல்களால் உடைக்கப்பட்டுள்ளன; பலர் உயிரிழந்துள்ளனர். தற்கால நவீன கப்பல்களும் வானிலை அறிக்கைகளும் இச்சூழலை மேம்படுத்தியுள்ளன.