பிலாத்து கல்வெட்டு
From Wikipedia, the free encyclopedia
பிலாத்து கல்வெட்டு (Pilate Stone) என்பது கி.பி. 26-36 ஆண்டுக் காலத்தில் உரோமைப் பேரரசின் கட்டுப்பாட்டுக்குள் இருந்த யூதேயா பிரதேசத்தின் ஆளுநராக இருந்த பொந்தியு பிலாத்துவின் ஆட்சியின்போது அவருடைய பெயர் செதுக்கப்பட்டு உருவாக்கப்பட்டதும், 82 செ.மீ. உயரமும் 65 செ.மீ. அகலமும் கொண்டதுமாய் அமைந்த ஒரு சுண்ணாம்புக் கல் படிமம் ஆகும்.
மேலதிகத் தகவல்கள் பொருள், விவரிப்பு ...
பொருள் | விவரிப்பு |
---|---|
மொழி: | இலத்தீன் |
ஊடகம்: | சுண்ணாம்புக் கல் |
அளவு: | 82 செ.மீ உயரம், 65 செ.மீ. அகலம் |
நீளம்: | 4 வரிகளடங்கிய எழுத்து |
வகை: | கட்டடம் அர்ப்பணிப்பு |
அர்ப்பணித்தவர்: | பொந்தியு பிலாத்து |
பதவிப் பெயர்: | யூதேயாவின் ஆளுநர் |
தோராயமான காலம்: | கி.பி. 26-37 |
கண்டெடுத்த இடம்: | செசரியா, இசுரயேல் |
கண்டெடுத்த ஆண்டு: | 1961 |
இன்றைய இருப்பிடம்: | இசுரயேல் காட்சியகம் |
பொருள்பட்டியலில் எண்: | AE 1963 no. 104 |
கண்டுபிடித்தவர்: | அந்தோனியோ ஃப்ரொவா |
முக்கியத்துவம்: | பொந்தியு பிலாத்து வரலாற்றில் வாழ்ந்த மனிதர் என்று உறுதிப்படுத்துகிறது. மேலும், கிளாவுடியசு பேரரசனின் ஆட்சிக்கு முற்பட்ட காலத்தில் யூதேயாவை ஆட்சி செய்தவர்கள் எந்தப் பதவிப் பெயர் கொண்டிருந்தார்கள் என்பதைத் தெரியப்படுத்துகிறது. |
மூடு
இக்கல்வெட்டு சிறிது சிதைந்திருந்தாலும் அதில் பொறிக்கப்பட்ட வாசகம் படிக்கக் கூடிய நிலையில் உள்ளது. இது இன்றைய இசுரயேலில் உள்ள அகழ்விடமான “கடலோர செசரியா” (Caesarea Maritima) என்னும் இடத்தில் 1961ஆம் ஆண்டு கண்டுபிடிக்கப்பட்டது.