From Wikipedia, the free encyclopedia
பர்மிய மலைப்பாம்பு | |
---|---|
![]() | |
உயிரியல் வகைப்பாடு ![]() | |
இனம்: | [[வார்ப்புரு:Taxonomy/மலைப்பாம்பு]][. பைவிட்டாடஸ் |
இருசொற் பெயரீடு | |
பைவிட்டாடஸ் ஹென்ரிச் குல், 1820 | |
![]() | |
தென்கிழக்காசியா மற்றும் வடகிழக்கு இந்தியாவில் (பச்சை நிறப் பகுதியில்) பர்மியப் மலைப்பாம்புகளின் வாழிடங்கள் | |
வேறு பெயர்கள் [2] | |
பைத்தான் மொலுரஸ் பைவிட்டாடஸ் (Python molurus bivittatus), ஹென்ரிச் குல், 1820 |
பர்மிய மலைப்பாம்பு, மிகப்பெரிய பாம்பு இனங்களில் ஒன்றாகும். இது தென்கிழக்காசியாவைப் பூர்வீகமாகக் கொண்டது மற்றும் செம்பட்டியலில் உள்ளது.[1] 2009ம் ஆண்டு வரை, இது இந்திய மலைப் பாம்பின் கிளையினமாகக் கருதப்பட்டது. ஆனால் தற்போது இது ஒரு தனித்துவமான இனமாக அங்கீகரிக்கப்பட்டுள்ளது.[3] செல்லப்பிராணி வணிகத்தின் விளைவாக ஐக்கிய அமெரிக்க நாட்டின் புளோரிடா மாகாணத்தில் பர்மிய மலைப்பாம்புகளின் எண்ணிக்கை அதிகரித்து விட்டது.[4]
பர்மிய மலைப்பாம்பு என்பது கரிய நிறமுடைய விஷமற்ற பாம்பு ஆகும். இது பல பழுப்பு நிற புள்ளிகளைக் கொண்டது. காடுகளில் பர்மிய மலைப்பாம்புகள் பொதுவாக 7 மீட்டர் நீளம் வரை வளரும்.[5] பெண் பர்மிய மலைப்பாம்புகள், ஆண் பர்மிய மலைப்பாம்பைவிட சற்று நீளமாகவும், பருமனாகவும் இருக்கும். இதன் எடை நீளத்திற்கு தக்கவாறு 7 கிலோ கிராம் முதல் 36 கிலோ கிராம் வரை இருக்கும்.[6][7][8][9][10] பொதுவாக பர்மிய மலைப்பாம்புகள் 5 மீட்டர் நீளம் கொண்டிருக்கும்.[11] பர்மிய மலைப்பாம்புகளின் அதிகபட்ச நீளம் 5.79 மீட்டர் (19 அடி 0 அங்குலம்) மற்றும் தென் புளோரிடாவின் பிக் சைப்ரஸ் தேசியப் பாதுகாப்பில் 10 சூலை 2023ல் பிடிபட்டது. பல அடி நீளம் கொண்டிருக்கும். "பேபி" என்ற பெயருடைய ஒரு பர்மியப் பாம்பு 18 அடி, 10 அங்குலம் நீளம் மற்றும் 182.8 கிலோ கிராம் (403 பவுண்டுகள்) எடை பதிவு செய்யப்பட்டுள்ளது. உலகின் 19 அடி நீள பர்மிய மலைப்பாம்பு முதன்முறையாக, சூலை 2023ல் புளோரிடாவில் பிடிக்கப்பட்டது.[12] நீளம் குறைந்த பர்மிய மலைப்பாம்புகள் ஜாவா, பாலி மற்றும் சுலவேசியில் காணப்படுகிறது.
மியான்மர் மற்றும் மியான்மரை ஒட்டிய வடகிழக்கு இந்தியா, தென்கிழக்கு நேபாளம், மேற்கு பூட்டான், தென்கிழக்கு பங்களாதேஷ், தாய்லாந்து, லாவோஸ், கம்போடியா, வியட்நாம், வடக்கு மலேசியா மற்றும் தெற்கு சீனா உள்ளிட்ட தென்கிழக்காசியா பகுதிகளில் பர்மிய மலைப்பாம்புகள் அதிக அளவில் காணப்படுகிறது.[13] மேலும் இது இந்தோனேசியாவின் ஜாவா, தெற்கு சுலவேசி, பாலி மற்றும் சும்பாவாவிலும் காணப்படுகிறது.[14]
நன்கு நீந்தும் பர்மிய மலைப்பாம்புகள் நீருக்கடியில் 30 நிமிடங்கள் வரை இருக்க முடியும்: ஆனால் பெரும்பாலும் நிலத்தில் இருக்கும். இவைகள் புல்வெளிகள், சதுப்பு நிலங்கள், பாறைகள் நிறைந்த மலையடிவாரங்கள், வனப்பகுதிகள், ஆற்றுப் பள்ளத்தாக்குகள் மற்றும் திறந்த வெளிகளுடன் கூடிய காடுகளில் வாழ்கிறது. இவைகள் மரங்களில் ஏறும் திறன் கொண்டது.
எல்லா பாம்புகளையும் போலவே, பர்மிய மலைப்பாம்பும் மாமிச உண்ணி. அதன் உணவில் முதன்மையாக பறவைகள் மற்றும் பாலூட்டிகள் உள்ளது. இது ஒரே இடத்தில் காத்திருப்பு வேட்டையாடும் விலங்கு. அதாவது அதன் பெரும்பாலான நேரத்தை ஒப்பீட்டளவில் அசையாமல், இரையை நெருங்கும் வரை காத்திருந்து, பின்னர் வேகமாக தாக்கும்.[15] பாம்பு அதன் கூர்மையான பற்களால் வேட்டையாடும் விலங்கைப் பிடிக்கிறது. பின்னர் அதன் உடலைச் சுற்றி வளைத்து அதைக் கொன்றுவிடும்.[16] மலைப்பாம்பு அதன் இரையை முழுவதுமாக விழுங்குகிறது. இதன் உணவுக்கு ஆதாரமாக எலிகள் மற்றும் பிற பாம்புகள் இருப்பதால் இது பெரும்பாலும் மனித வாழ்விடங்கள் அருகே காணப்படுகிறது. புளோரிடாவில் பர்மிய மலைப்பாம்புகள் நரிகள், முயல்கள் மற்றும் ரக்கூன்கள் உள்ளிட்ட பல்வேறு சிறிய பாலூட்டிகளை உண்கிறது. அவற்றின் அதிக வேட்டையாடுதல் அளவுகள் காரணமாக, இப்பகுதியில் பல பாலூட்டி இனங்களின் வீழ்ச்சியிலும், காணாமல் போவதிலும் உள்ளாகியுள்ளது. பெரிய பர்மிய மலைப்பாம்புகள் பன்றிகள், ஆடுகள் போன்ற பெரிய விலங்குகளை வேட்டையாடி உண்கிறது. மேலும் புளோரிடாவில் முதலைகள் மற்றும் பெரிய மான்களையும் தாக்கி உண்டதாக அறியப்படுகிறது.[17][18]
ஐக்கிய அமெரிக்க நாட்டின் தெற்கு புளோரிடா மாநிலத்தில் பர்மிய மலைப்பாம்புகள் வேட்டை பரவலாக உள்ளது. தற்போது புளோரிடா மாநிலத்தில் அதிக எண்ணிக்கையிலான பர்மிய மலைப்பாம்புகள் காணப்படுகிறது.[19] புளோரிடா மாநிலத்தில் 1996 மற்றும் 2006 ஆண்டுகளுக்கு இடையில், பர்மிய மலைப்பாம்பு செல்லப்பிராணி வர்த்தகம் அதிகரித்தது. 90,000க்கும் அதிகமான பர்மிய மலைப்பாம்புகள் தென்கிழக்காசியாவிலிருந்து இறக்குமதி செய்யப்பட்டது. புளோரிடா எவர்கிலேட்ஸ் தேசியப் பூங்காவில் தற்போதைய பர்மிய மலைப்பாம்புகளின் எண்ணிக்கை அதிகரித்து, ஒரு ஆக்கிரமிப்பு இனமாக மாறியுள்ளது.
பர்மிய மலைப்பாம்புகளை இறக்குமதி செய்வது அமெரிக்காவில் சனவரி 2012ல் தடைசெய்யப்பட்டது.[20] 2012ம் ஆண்டு அறிக்கையில் "பர்மிய மலைப்பாம்புகள் நன்கு வளர்ந்த பகுதிகளில், நரிகள், ரக்கூன்கள், மான்கள் மற்றும் முயல்கள் பெருமளவு மறைந்துவிட்டது. தெற்கு புளோரிடாவில் பர்மிய மலைப்பாம்புகளின் எண்ணிக்கையைக் குறைக்க ஆண்டுதோறும் ஆகஸ்டு மாதத்தில் மலைப்பாம்பு வேட்டை 2017ம் ஆண்டு முதல் அரசால் தொடங்கப்பட்டது. அதிகமான மலைப்பாம்புகளை வேட்டையாடுபவர்களுக்கு பரிசும் வழங்கப்படுகிறது.[21][22][23]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.