![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/83/Mars%252C_as_seen_by_the_Hubble_Telescope.jpg/640px-Mars%252C_as_seen_by_the_Hubble_Telescope.jpg&w=640&q=50)
துருவ பனி முகடு
From Wikipedia, the free encyclopedia
நிலமுனைப் பனி முகடு (polar ice cap) அல்லது நிலமுனைப் பனிக்கவிப்பு (polar cap) என்பது ஒரு கோளின் அல்லது ஒரு குறுங்கோளின், இயற்கைத் அல்லது துணக்கோளின்(நிலாவின்) மிக உயர்ந்த அகலாங்கு சார்ந்த பனிக்கட்டியில் மூடப்பட்டிருக்கும் இயற்கையான அமைப்பே ஆகும்.[1]
![Thumb image](http://upload.wikimedia.org/wikipedia/commons/thumb/8/83/Mars%2C_as_seen_by_the_Hubble_Telescope.jpg/320px-Mars%2C_as_seen_by_the_Hubble_Telescope.jpg)
நிலமுனைப் பனி முகடு என்பது பனிக்கட்டியின் பனிப்பகுதியைக் குறிக்கும். இதற்கு பனிக்கட்டியின் அளவைச் சார்ந்த எந்தவிதமான வரையரையும் இல்லை. இதற்கு நிலத்தின் மீது கவிந்திருக்கவேண்டும் எனும் எந்தத் புவியியல் தேவையும் இல்லை. இது நிலமுனையில் அமைந்த திண்ம நிலை உடையதாக இருக்க வேண்டும். இது நிலமுனைப் பனிக் கவிப்பு என்ற தவறான பெயரைக் கொண்டிருக்கிறது. ஏனென்றால் பனிக்கவிப்பு என்பது 50,000 சதுர மீட்டருக்கும் குறைவாகக உள்ள பகுதிகளையே குறிக்கிறது. இதைவிட பெரிய பகுதிகள் பனிப்பாளங்கள் என குறிப்பிடப்படுகின்றன.
பனி உட்கூற்றின் அமைப்பு இடத்திற்கிடம் மாறுபடும். எடுத்துகாட்டாக, புவிமுனைப் பகுதிகளில் நீர்முகப் பனிக்கட்டியாகும். அதே நேரத்தில் செவ்வாய் கோளின் நிலமுனைப் பனி உலர்பனி அல்லது திண்மக் கரி ஈராக்சைடும், நீர்முகப் பனியும் கலந்த கலவையாகும்.
உயர் அகலாங்கு மண்டலங்கள் சூரியக் கதிர்வீச்சின் குறைவான ஆற்றலைப் பெறுவதால், நிலநடுவரைப் பகுதிளைக் காட்டிலும் குறைவான மேற்பரப்பு வெப்பநிலையே உருவாக்குகின்றன.
கடந்த 12,000 ஆண்டுகளில் புவிமுனைப் பகுதிகள் வியத்தகு முறையில் மாறிவிட்டன. கோள் அல்லது நிலா, சூரியனைச் சுற்றிவரும்போது, சூரிய ஒளியை உறிஞ்சும் அளவைப் பொறுத்தே நிலமுனைப் பனிப்பகுதிகளில் பருவகால மாறுபாடுகள் ஏற்படுகின்றன. கூடுதலாக, புவியியல் கால அளவிலும், காலநிலை மாறுபாடு காரணமாக நிலமுனைப் பனி முகடுகள் வளரலாம் அல்லது சுருங்கலாம்.