![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/be/Glycolaldehyde.svg/langta-640px-Glycolaldehyde.svg.png&w=640&q=50)
டையோசு
இரண்டு கார்பன் மட்டுமே கொண்ட ஒற்றைச் சர்க்கரை / From Wikipedia, the free encyclopedia
டையோசு (Diose) என்பது இரண்டு கார்பன் அணுக்களைக் கொண்ட ஓர் ஒற்றைச் சர்க்கரையாகும். ஒற்றைச் சர்க்கரைகளின் பொது வாய்ப்பாடு (C•H2O)n என்பதாகும். வாய்ப்பாட்டிலுள்ள n இன் மதிப்பு மூன்று அல்லது அதற்கு மேற்பட்ட எண்ணிக்கை கொண்டதாக இருக்கவேண்டும் என்று வரையறுக்கப்பட்டிருப்பதால் டையோசு (C•H2O)n வாய்ப்பாட்டோடு பொருந்தினாலும் ஒற்றைச்சர்க்கரை என்பதற்கான முறையான வரையறைக்குப் பொருந்துவதில்லை. மிகவும் அடிப்படையான ஒரு சர்க்கரையாக டையோசு கருதப்படுகிறது. [1]
![Thumb image](http://upload.wikimedia.org/wikipedia/commons/thumb/b/be/Glycolaldehyde.svg/320px-Glycolaldehyde.svg.png)
2-ஐதராக்சியெத்தனால் எனப்படும் கிளைக்கோலால்டிகைடு மட்டுமே சாத்தியமுள்ள ஒரே டையோசு ஆகும். இதுவோர் ஆல்டோடையோசு ஆகும். இரண்டு கார்பன்கள் மட்டுமே காணப்படுவதால் ஒரு கீட்டோடையோசு உருவாகும் சாத்தியம் இல்லை.