ஜமுனா (நடிகை)

ஜமுனா (30 ஆகத்து 1936 – 27 சனவரி 2023) தென்னிந்தியத் திரைப்பட நடிகை, இயக்குனர் மற்றும் அரசியல்வாதியாவார். இவர் பதினாறு வயதிலிருந்து திரைப்படங்களில் நடித்தார். 1953இல் புட்டிலு திரைப்படத்தில் நடிக்கத் தொடங்கினார்.^[1]

ஜமுனா
பிறப்பு	(1936-08-30)30 ஆகத்து 1936 [1] அம்பி (கர்நாடகம்), சென்னை மாகாணம், இந்தியா (இன்றைய கருநாடகம்)
இறப்பு	27 சனவரி 2023(2023-01-27) (அகவை 86)
தேசியம்	இந்தியா
பணி	நடிகர் மற்றும் அரசியல்வாதி
செயற்பாட்டுக் காலம்	1952 - 1990
சமயம்	இந்து
பெற்றோர்	தந்தை : ஶ்ரீனிவாசன் ராவ் தாயாா் : கௌசல்யாதேவி
வாழ்க்கைத் துணை	ஜிலூரி ரமணா ராவ் (m. 1965 - 2014; dead)
பிள்ளைகள்	மகன் : வம்சிகிருஷ்ணா (பி 1966) மகள் : சரவந்தி (பி 1968)

எல். வி. பிரசாதின் மிஸ்ஸியம்மா திரைப்படத்தில் நடித்தபிறகு இவர் புகழ்பெற்றார்.^[2]

இளமைக்காலம்

ஜனா பாய் என்ற இயற்பெயர் கொண்ட ஜமுனா கர்நாடகாவில் உள்ள ஹம்பி எனுமிடத்தில் நிப்பானி ஶ்ரீனிவாசன் ராவ் - கௌசல்யாதேவி ஆகியோருக்குப் பிறந்தார். ஆந்திர பிரதேசத்தில் குண்டூர் மாவட்டத்திலுள்ள துக்கரிலா எனுமிடத்தில் வளர்ந்தார்.^[1] நடிகை சாவித்திரி இவருடைய வீட்டில் தங்கியிருந்தார். அதனால் சாவித்திரி ஜமுனாவை திரைப்படத்துறைக்கு வருமாறு அழைத்தார்.

தொழில்

ஜமுனா பள்ளியில் மேடை நடிகராக இருந்தார். அவருடைய அன்னை ஹார்மோனியம் போன்றவற்றை இசைக்க கற்றுத் தந்தார். டாக்டர் காரிகாபதி ராஜா ராவ் மா பூமி என்ற ஜமுனாவின் நாடகத்தினைப் பார்த்தவர், தன்னுடைய புட்டிலு திரைப்படத்தில் நடிகையாக்கினார்.^[1] தமிழ், தெலுங்கு மற்றும் இந்தி திரைப்படங்களில் நடித்த ஜமுனா, அரசியலிலும் இணைந்தார். 1980களில் இந்திய தேசிய காங்கிரசில் இணைந்து ராஜமிந்திரி மக்களவைத் தொகுதியில் 1989இல் தேர்வு செய்யப்பட்டார். 1990களில் பாரதிய ஜனதா கட்சியில் இணைந்து அக்கட்சிக்காக பிரச்சாரத்தில் ஈடுபட்டார்.

விருது

• 1968: சிறந்த துணை நடிகைக்கான பிலிம்பேர் விருது - மில்லன்
• 2008: என்டிஆர் தேசிய விருது

திரைப்படங்கள்

தமிழ்

1. மிஸ்ஸியம்மா (1955)
2. தெனாலி ராமன் (1956)
3. தங்கமலை ரகசியம் (1957)
4. பொம்மை கல்யாணம் (1958)
5. நல்ல தீர்ப்பு (1959)
6. தாய் மகளுக்கு கட்டிய தாலி (1959)
7. மருதநாட்டு வீரன் (1961)
8. நிச்சய தாம்பூலம் (1962)
9. மனிதன் மாறவில்லை (1962)
10. குழந்தையும் தெய்வமும் (1965)
11. அன்பு சகோதரர்கள் (1973)
12. தூங்காதே தம்பி தூங்காதே (1983)

மறைவு

நடிகை ஜமுனா உடல்நலக் குறைவால் ஐதராபாதில் தனது 86 ஆவது அகவையில் 27 சனவரி 2023 அன்று காலமானார்.^[3][4][5]

மேற்கோள்கள்

1. Narasimham, M. L. (1 September 2013). "PUTTILLU (1953)". The Hindu. Archived from the original on 30 August 2014. பார்க்கப்பட்ட நாள் 14 February 2016.
2. Madhavan, Pradeep (23 January 2015). "அமுதாய்ப் பொழிந்த நிலவு -அந்தநாள் ஞாபகம்". The Hindu. Archived from the original on 11 June 2015. பார்க்கப்பட்ட நாள் 14 February 2016.
3. பழம்பெரும் நடிகை ஜமுனா காலமானார், பிபிசி, சனவரி 27, 2023
4. பழம்பெரும் நடிகை ஜமுனா காலமானார்
5. Veteran actress Jamuna passes away at 86

வெளி இணைப்பு

• ஐ.எம்.டி.பி இணையத்தளத்தில் ஜமுனா