சூரிய வெப்ப சேகரிப்பான்
From Wikipedia, the free encyclopedia
சூரிய வெப்ப சேகரிப்பான் (Solar thermal collector) என்பது சூரிய ஒளியை உறிஞ்சி வெப்பத்தை சேகரிக்க வடிவமைக்கப்பட்ட ஒரு சூரிய சேகரிப்பான் ஆகும். சேகரிப்பான் என்பது சூரிய கதிர்வீச்சில் அல்லது சூரிய ஒளியில் உள்ள ஆற்றலை பயன்படுத்துவதற்கு அல்லது சேமித்து வைப்பதற்கு உகந்த வடிவத்தில் மாற்றும் ஒரு சாதனமாகும். இந்த சக்தி மின்காந்த கதிரியக்க, அகச்சிவப்பு (நீண்ட) அலைவரிசைகளிலிருந்து புறஊதா (குறுகிய) அலைவரிசகள் வரையான, வடிவத்தில் உள்ளது. பூமியின்மீது விழும் சூரிய சக்தியளவு தெளிவான வானகூறையின் கீழ், வானிலை, இடம், மற்றும் மேற்பரப்பு நோக்குநிலை பொறுத்து சராசரியாக ஒரு சதுர மீட்டரில் 1,000 வாட்-ஆக இருக்கும்.
![Thumb image](http://upload.wikimedia.org/wikipedia/commons/thumb/8/8b/Russiasolar.jpg/220px-Russiasolar.jpg)
சூரிய சேகரிப்பான் என்ற பதம் சூரிய வெப்ப நீர்க் குழுக்களை குறிக்கிறது, ஆனால் இது சூரிய பரவளைய இயந்திரம், சூரிய தொட்டிகள், மற்றும் சூரிய கோபுரங்கள் போன்ற அதிசிக்கலான நிறுவல்களையும் அல்லது சூரியக் காற்றைச் சூடேற்றும் சாதனமான குறைவான சிக்கல்கொண்ட நிறுவல்களையும் குறிக்கலாம். சூரிய மின்சக்தி ஆலைகள் பொதுவாக மிகவும் சிக்கலான சேகரிப்பான்கள் மூலம் நீரை சூடேற்றி வரும் நீராவியை ஒரு மின்னாக்கி இணைக்கப்பட்ட ஒரு விசையாழி யில் செலுத்தி மின்சாரம் தயாரிக்கப் பயன்படுத்துகின்றன. குறைவான சிக்கலான சேகரிப்பான்கள், சூரிய கதிர்கள் செங்குத்தாக விழும்படி வைத்து, பொதுவாக குடியிருப்பு மற்றும் வணிக கட்டிடங்கள் துணை வெளி சூடாக்க பயன்படுத்தப்படுகின்றன.