சீனாவின் இனவழிச் சிறுபான்மையினர்
From Wikipedia, the free encyclopedia
சீனாவின் இனவழிச் சிறுபான்மையினர் என்னும் தொடர் சீனத் தலைநிலத்திலும், தாய்வானிலும் வாழும் ஹான் சீனர் அல்லாத பிற இனத்தவரைக் குறிக்கும். மக்கள் சீனக் குடியரசு அதிகாரபூர்வமாக 55 இனச் சிறுபான்மைக் குழுக்களை ஏற்றுக்கொண்டுள்ளது. 2005 ஆம் ஆண்டுக் கணக்கெடுப்பின்படி ஏற்றுக்கொள்ளப்பட்ட எல்லாச் சிறுபான்மையினரதும் மொத்தத் தொகை 123.33 மில்லியன்கள் ஆகும். இது சீனத் தலைநிலத்தினதும், தாய்வானினதும் மொத்த மக்கள்தொகையின் 9.44% ஆகும். இவ்வாறு அதிகாரபூர்வமாக ஏற்றுக்கொள்ளப்பட்ட சிறுபான்மையினரை விட மக்கள் சீனக் குடியரசில் மேலும் சில ஏற்றுக்கொள்ளப்படாத இனக்குழுவினர் உள்ளனர். யூத, துவான், ஒயிராத், இலி துருக்கி போன்ற இனத்தவர் இக் குழுவினருள் அடங்குவர். இவர்களைவிடச் சீனக் குடியுரிமை பெற்ற வெளிநாட்டினரும் வேறு குழுக்களாக உள்ளனர்.
இந்தக் கட்டுரையில் மேற்கோள்கள் அல்லது உசாத்துணைகள் எதுவும் இல்லை. |
பொதுவாக, தாய்வான் நாட்டு முதுகுடிகள் ஏற்றுக்கொள்ளப்பட்ட இனவழிச் சிறுபான்மையினர் அனைவரும் சீனத் தலைநிலத்திலேயே உள்ளனர். தாய்வானில் இயங்கும் சீனக் குடியரசு, 13 தாய்வானிய முதுகுடிகளை ஏற்றுக் கொண்டுள்ளது. மக்கள் சீனக் குடியரசு மேற்படி 13 முதுகுடிகளையும் காவோஷான் என்னும் ஒரே குழுவாக வகைப்படுத்தியுள்ளது. ஹாங்காங், மக்காவு ஆகிய ஆட்சிப் பகுதிகள் மேற்படி இன வகைப்பாட்டு முறையைப் பயன்படுத்துவது இல்லை. அத்துடன் மக்கள் சீனக் குடியரசின் வகைப்பாட்டில் இவ்விரு ஆட்சிப் பகுதிகளும் கருத்தில் கொள்ளப்படவில்லை.