![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/76/Sinai-peninsula-map.jpg/640px-Sinai-peninsula-map.jpg&w=640&q=50)
சினாய் தீபகற்பம்
From Wikipedia, the free encyclopedia
சினாய் தீபகற்பம் (Sinai Peninsula அல்லது சினாய்) என்பது எகிப்தில் உள்ள முக்கோண தீபகற்பம் ஆகும். இது வடக்கே மத்தியதரைக் கடலுக்கும், தெற்கே செங்கடலுக்கும் இடையில் ஆபிரிக்காவுக்கும் தென்மேற்கு ஆசியாவுக்கும் ஒரு நிலப் பாலமாக உள்ளது. இதன் பரப்பளவு கிட்டத்தட்ட 60,000 கிமீ² ஆகும்.[1]
![Thumb image](http://upload.wikimedia.org/wikipedia/commons/thumb/7/76/Sinai-peninsula-map.jpg/640px-Sinai-peninsula-map.jpg)
![Thumb image](http://upload.wikimedia.org/wikipedia/commons/thumb/f/f4/Egypt-region-map-cities.gif/220px-Egypt-region-map-cities.gif)
சினாய் தீபகற்பத்தில் அமைந்துள்ள சினாய் மலையின் பெயரின் காரணமாக இந்த தீபகற்பம் நவீன காலங்களில் சினாய் என்ற பெயரைப் பெற்றதாக என்பதாக கருதப்படுகின்றது. இந்த மலை ஆபிரகாமிய மதங்களின் மத முக்கியத்துவம் வாய்ந்த இடங்களில் ஒன்றாகும்.
சினாய் தீபகற்பம் பண்டையக் கால எகிப்தின் ஒரு பகுதியாகும். எகிப்தின் மற்ற பகுதிகளைப் போலவே வெளிநாடுகளினால் ஆக்கிரமிக்கப்பட்டு கட்டுப்படுத்தப்பட்டது. 1517-1867 காலப்பகுதியில் உதுமானிய பேரரசினாலும், 1882 - 1956 வரையில் பிரித்தானியாவினாலும் ஆக்கிரமிக்கப்பட்டிருந்தது. 1967 ஆம் ஆண்டில் ஆறு நாள் போரில் இஸ்ரேல் சினாய் மீது படையெடுத்து ஆக்கிரமித்தது. 1973 ஆம் ஆண்டு சினாய் தீபகற்பத்தை இஸ்ரேலிடம் இருந்து மீட்டெடுக்க எகிப்து யேம் கீப்பர் போரை தொடங்கியது. போரில் எகிப்து தோல்வியுற்றது. 1979 ஆம் ஆண்டு இஸ்ரேல் - எகிப்து சமாதான உடன்படிக்கையின் விளைவாக 1982 ஆம் ஆண்டில் இஸ்ரேல் தபாவின் சர்ச்சைக்குரிய பிரதேசத்தை தவிர்த்து சினாய் தீபகற்பத்தின் அனைத்து பிரதேசங்களில் இருந்தும் திரும்பியது. சினாய் இன்றைய காலகட்டத்தில் அதன் இயற்கை அமைப்பு, வளமான பவளப்பாறைகள் மற்றும் மதங்களின் வரலாற்று முக்கியத்துவம் வாய்ந்த இடங்கள் காரணமாக சுற்றுலாத் தலமாக மாறியுள்ளது.