சிங்கோலி யுத்தம்
மேவார் இராச்சியம் மற்றும் தில்லி சுல்தானகத்திற்கு இடையில் நடந்த 1326ஆம் ஆண்டு யுத்தம் / From Wikipedia, the free encyclopedia
சிங்கோலி யுத்தம் (Battle of Singoli) (பொ. ஊ. 1326) என்பது அம்மிர் சிங் தலைமையிலான மேவார் படைகளுக்கும், முகம்மது பின் துக்ளக்கால் தலைமை தாங்கப்பட்ட துக்ளக் படைகளுக்கும் இடையில் தற்போதைய இந்தியாவின் மத்தியப் பிரதேசத்தில் உள்ள சிங்கோலி என்ற இடத்தில் நடைபெற்ற ஒரு யுத்தமாகும். இந்த யுத்தத்தில் அம்மிர் சிங் துக்ளக்கின் படைகளைத் தோற்கடித்தார். முகம்மது பின் துக்ளக்கை கைதியாக சிறை பிடித்தார்.[3]
சிங்கோலி யுத்தம் | |||||||
---|---|---|---|---|---|---|---|
| |||||||
நாடுகள் | |||||||
![]() ஆம்பெர் இராச்சியம் |
![]() | ||||||
மன்னர் மற்றும் தளபதிகள் | |||||||
அம்மிர் சிங் ஜுன்சி கச்வகா[2] |
முகம்மது பின் துக்ளக் (கைதி) |
தில்லி சுல்தானகத்திடம் திறை செலுத்தி வந்த சௌகான் இனத்தவரும், மல்தேவின் மகனுமான ஜெய்சாவை மேவாரில் இருந்து வெளியேற்றியதன் மூலம் அதன் கட்டுப்பாட்டை அம்மிர் சிங் பெற்றார். முகம்மது பின் துக்ளக்கின் தில்லி அரசவைக்கு ஜெய்சா தப்பித்துச் சென்றார். தன்னுடைய வலிமையான இராணுவத்தினருடன் மேவாரை நோக்கி துக்ளக் அணி வகுப்பதற்கு இது இட்டுச் சென்றது. இதைத் தொடர்ந்து நடந்த யுத்தத்தில் துக்ளக்கின் இராணுவமானது தோற்கடிக்கப்பட்டது. முகம்மது பின் துக்ளக் கைதியாக பிடிக்கப்பட்டார். சித்தோர்கார் நகரில் மூன்று மாதங்களுக்கு கைதியாக தொடர்ந்து இருந்தார். சுல்தானகமானது அஜ்மீர், இரந்தம்பூர், நாகவுர் மற்றும் சோபோர் ஆகிய இடங்களை விட்டுக் கொடுத்ததற்கு பிறகு அவர் விடுதலை செய்யப்பட்டார். மேலும், அம்மிர் சிங்கிற்கு பிணையத் தொகையாக 50 இலட்சம் ரூபாயையும், 100 யானைகளையும் தில்லி சுல்தானகம் கொடுத்தது.[4][5]