![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b7/Sabah-SandakanDivision.png/640px-Sabah-SandakanDivision.png&w=640&q=50)
சண்டக்கான் பிரிவு
சபா நிர்வாகப் பிரிவுகளில் ஒன்றாகும். / From Wikipedia, the free encyclopedia
சண்டக்கான் பிரிவு (மலாய் மொழி: Bahagian Sandakan; ஆங்கிலம்: Sandakan Division) என்பது மலேசியா, சபா மாநிலத்தில் உள்ள ஐந்து நிர்வாகப் பிரிவுகளில் ஒன்றாகும். பிரிவு என்பதை ஆங்கிலத்தில் டிவிசன் (Division) என்று அழைக்கிறார்கள். இந்த முறைமை தீபகற்ப மலேசியாவில் இருந்து முற்றிலும் வேறுபட்டது. சபா; சரவாக் மாநிலங்களில் மட்டுமே பிரிவு எனும் முறைமையைப் பயன்படுத்துகிறார்கள்.[1]
![Thumb image](http://upload.wikimedia.org/wikipedia/commons/thumb/b/b7/Sabah-SandakanDivision.png/640px-Sabah-SandakanDivision.png)
கிழக்கு மலேசியாவில் உள்ள சபா; சரவாக் மாநிலங்களைப் பொருத்த வரையில், பிரிவு என்பது ஒரு நிர்வாகப் பிரிவாகும். அந்த இரு மாநிலங்களிலும் ஒவ்வொரு பிரிவும் சிற்சில மாவட்டங்களாக (Daerah) பிரிக்கப்பட்டு நிர்வகிக்கப் படுகிறது. ஒவ்வொரு பிரிவுக்கும் ஓர் ஆளுநர் (Resident) நியமிக்கப்பட்டு இருந்தார். இப்போது அந்தப் பதவி அகற்றுப்பட்டு விட்டது.