![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/cf/Gary_Yourofsky_%25D7%2592%25D7%2590%25D7%25A8%25D7%2599_%25D7%2599%25D7%2595%25D7%25A8%25D7%2595%25D7%25A4%25D7%25A1%25D7%25A7%25D7%2599.jpg/640px-Gary_Yourofsky_%25D7%2592%25D7%2590%25D7%25A8%25D7%2599_%25D7%2599%25D7%2595%25D7%25A8%25D7%2595%25D7%25A4%25D7%25A1%25D7%25A7%25D7%2599.jpg&w=640&q=50)
கேரி யுவரோவ்ஸ்கி
From Wikipedia, the free encyclopedia
கேரி யுவரோவ்ஸ்கி (Gary Yourofsky; உச்சரிப்பு: /jʊəˈrɒfski/; பிறப்பு: ஆகஸ்ட் 19, 1970)[1] ஒரு அமெரிக்க விலங்குரிமை ஆர்வலரும் விரிவுரையாளரும் ஆவார். தற்கால நனிசைவ சித்தாந்தத்தில் அவர் பெரும் தாக்கத்தை ஏற்படுத்தியவராவார்.[2]
கேரி யுவரோவ்ஸ்கி | |
---|---|
![]() கேரி யுவரோவ்ஸ்கி, 2013 | |
பிறப்பு | ஆகத்து 19, 1970 (1970-08-19) (அகவை 53) டிட்ராயிட், மிச்சிகன், ஐக்கிய அமெரிக்கா |
பணி | விரிவுரையாளர், விலங்குரிமை செயற்பாட்டாளர் |
அறியப்படுவது | விலங்குரிமை குறித்த விரிவுரைகள் |
வலைத்தளம் | |
www |
2002-க்கும் 2005-க்கும் இடையிலான காலகட்டத்தில் யுவரோவ்ஸ்கி அளித்த நனிசைவ வாழ்வுமுறையினை ஊக்குவிக்கும் பல பொது விரிவுரைகளுக்கு பீட்டா (PETA) அமைப்பி நிதியுதவி வழங்கி உதவியது. 2010-ஆம் ஆண்டில், ஜார்ஜியா தொழில்நுட்பப் பல்கலைக்கழகம் கல்லூரியில் இவர் ஆற்றிய உரை யூடியூப் காணொளியாக வெளியானதைத் தொடர்ந்து[3] யுவரோவ்ஸ்கியின் புகழ் உலகம் முழுவதும் (குறிப்பாக இஸ்ரேலில்[4]) வேகமாகப் பரவியது. மில்லியன் கணக்கில் பார்வைகளைப் பெற்ற அந்தக் காணொளி பல மொழிகளில் மொழிபெயர்க்கப்பட்டுள்ளது. யுவரோவ்ஸ்கி அவரது செயற்பாடுகளுக்காகப் பலரால் பாராட்டப்பட்டும்[5] அவரது தீவிரக் கருத்துக்களுக்காக மற்றவர்களால் விமர்சிக்கப்பட்டும் உள்ளார். இவர் 1997 மற்றும் 2001 ஆம் ஆண்டுகளுக்கு இடையில் 13 முறை கைது செய்யப்பட்டார். மேலும் 1999 இல் கனடாவில் உள்ள ஒரு உரோமப் பண்ணையை சோதனை செய்து 1997-ல் மின்க் (mink) எனப்படும் 1,542 உரோமக்கீரிகளை விடுவித்து அதற்காக 77 நாட்கள் கடுங்காவல் சிறையில் கழித்துள்ளார்.[6][7] கனடா, ஐக்கிய இராச்சியம் ஆகிய நாடுகளுக்கும் நுழைவதற்கும் இவர் நிரந்தரமாகத் தடை செய்யப்பட்டுள்ளார்.[8]
மார்ச் 30, 2017 அன்று, யுவரோவ்ஸ்கி தனது முகநூல் பக்கத்தில் தனது விலங்குரிமை செயற்பாடுகளுக்கு ஓய்வு கொடுப்பதாக அறிவித்தார்: "எனது தேக்கம் முற்றிலுமாகத் தீர்ந்து விட்டது. எனவே விலங்குரிமைத் திட்டங்களில் மாணவர்களுக்கு உதவுவது, நனிசைவ வாழ்வுமுறையினைத் துவங்கும் நபர்களின் மின்னஞ்சல் கேள்விகளுக்கு பதிலளிப்பது உள்ளிட்டவை தவிர வேறு வகையில் இனி வலைதளங்களிலோ நேர்முக செயற்பாடுகளிலோ இனி பங்கு கொள்ள மாட்டேன்" என்று தனது விடைபெறும் உரையில் அவர் கூறியிருந்தார்.[9]