![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2f/Kecak_dancers_cliffside_Uluwatu.jpg/640px-Kecak_dancers_cliffside_Uluwatu.jpg&w=640&q=50)
கெக்கக்
From Wikipedia, the free encyclopedia
கெக்கக் (Kecak) என்பது, இந்தோனேஷியன் தொரி கெகாக் போலவே, பாலித் தீவின் இந்து நடனம் மற்றும் இசை நாடகத்தின் ஒரு வடிவமாகும். இது, 1930 களில், இந்தோனேசியாவிலுள்ள. பாலியில் வளர்ச்சியடைந்தது. இது உருவாக்கப்பட்டதிலிருந்து, முதன்மையாக ஆண்களால் நிகழ்த்தப்பட்டது. முதல் பெண்கள் கெக்கக் குழு 2006 இல் தொடங்கியது. [1] இந்த நடனம் இராமாயணத்தின் கதையை அடிப்படையாகக் கொண்டது. மேலும், பாரம்பரியமாக பாலி நகரம் முழுவதும் உள்ள கோவில்கள் மற்றும் கிராமங்களில் இந்த நடன நிகழ்ச்சி நிகழ்த்தப்படுகிறது.
![Thumb image](http://upload.wikimedia.org/wikipedia/commons/thumb/2/2f/Kecak_dancers_cliffside_Uluwatu.jpg/640px-Kecak_dancers_cliffside_Uluwatu.jpg)
கெக்கக், ராமாயண குரங்கு மந்திரம் என்றும் அழைக்கப்படுகிறது. இந்த நடனம் 150 க்கும் மேற்பட்ட கலைஞர்களால் நடத்தப்படுகிறது. இவர்கள் அனைவரும் ஒரு வட்டமாக நின்று கொண்டு, " சக் " என்று முழக்கமிட்டு, தோள்களையும், கைகளையும் அசைக்கின்றனர். இவர்கள், இடுப்பைச் சுற்றி கட்டம் போட்ட துணிகளை அணிந்துகொண்டு நடனம் ஆடுகின்றனர். இந்த செயல்திறன் ராமாயணத்திலிருந்து ஒரு போரை சித்தரிக்கிறது. இதில் ஹனுமான் தலைமையிலான குரங்கு போன்ற வானரங்கள், இளவரசர் இராமருக்கு எதிரான தீய மன்னன் இராவணனை எதிர்த்துப் போராட உதவுகிறார்கள். கெக்கக் சங்கியாங் என்கிற நடனத்தின் சாயலைக் கொண்டிருக்கிறது. சங்கியாங் நடனம், ஒரு சமாதி நிலையைத் தூண்டும் பேயோட்டும் நடனம் என அறியப்படுகிறது. [2]