![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/ab/Fortaleza_de_bacaim.jpg/640px-Fortaleza_de_bacaim.jpg&w=640&q=50)
கிழக்கிந்தியப் பகுதிக் கோட்டைகள், நகரங்கள், குடியிருப்புக்களுக்கான நூல்
From Wikipedia, the free encyclopedia
கிழக்கிந்தியப் பகுதிக் கோட்டைகள், நகரங்கள், குடியிருப்புக்களுக்கான நூல் (போர்த்துக்கேயம்: O Livro das Plantas de todas as fortalezas, cidades e povoaçoens do Estado da Índia Oriental, ஆங்கிலம்: Book of plans of all the forts, towns and villages of East Indies) என்பது போர்த்துக்கேய அரசரின் வேண்டுகோளுக்கு இணங்கத் தயாரித்து அனுப்பப்பட்ட ஒரு கையெழுத்து அறிக்கையைக் குறிக்கும். 1635 ஆம் ஆண்டில் எழுதப்பட்ட இது போர்த்துக்கேயரின் ஆளுகைக்கு உட்பட்ட பகுதிகளில் அமைந்திருந்த பல்வேறு கோட்டைகள், நகரங்கள், குடியிருப்புக்கள் போன்றவற்றை விளக்கும் உரைப் பகுதியையும், அவற்றைக் காட்டும் தளப்படங்களையும் உள்ளடக்கியது. அந்தோனியோ பொக்காரோ, பெட்ரோ பரேட்டோ டி ரெசென்டே ஆகியோர் இணைந்து இதனை உருவாக்கினர். பொக்காரோ இதன் உரைப்பகுதியை எழுதினார். படங்கள் ரெசென்டேயினால் வரையப்பட்டவை.
![Thumb image](http://upload.wikimedia.org/wikipedia/commons/thumb/a/ab/Fortaleza_de_bacaim.jpg/640px-Fortaleza_de_bacaim.jpg)
![Thumb image](http://upload.wikimedia.org/wikipedia/commons/thumb/6/68/Fortaleza_de_cananor.jpg/640px-Fortaleza_de_cananor.jpg)
![Thumb image](http://upload.wikimedia.org/wikipedia/commons/thumb/b/bf/Planta_de_cochim_bocarro_1635.jpg/640px-Planta_de_cochim_bocarro_1635.jpg)
![Thumb image](http://upload.wikimedia.org/wikipedia/commons/thumb/8/81/Macau_in_Livro_das_Plantas_de_Todas_as_Fortalezas.jpg/640px-Macau_in_Livro_das_Plantas_de_Todas_as_Fortalezas.jpg)
![Thumb image](http://upload.wikimedia.org/wikipedia/commons/thumb/a/af/Fortaleza_de_mombaca.jpg/640px-Fortaleza_de_mombaca.jpg)
போர்த்துக்கேய மொழியில் உள்ள இந்த அறிக்கையில் ஆப்பிரிக்கா, இந்தியா, இலங்கை, கிழக்காசியப் பகுதிகள் ஆகிய பகுதிகளில் இருந்த பல்வேறு கோட்டைகள், நகரங்கள் குறித்த தகவல்கள் உள்ளன. இந்த அறிக்கையின் மூலப் படிகளில் ஒன்று போர்த்துக்கலின் எவ்வொராவில் (Évora) அமைந்துள்ள பொது நூலகத்தில் உள்ளது. பிற்காலத்தில் இதிலிருந்து எடுக்கப்பட்ட கையெழுத்துப் படிகள் சில போர்த்துக்கல், ஐக்கிய இராச்சியம், பிரான்சு, இலங்கை ஆகிய நாடுகளில் உள்ள சில ஆவணக் காப்பகங்களிலும், நூலகங்களிலும் பாதுகாக்கப்படுகின்றன.