![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/30/Clindamycin_Structural_Formula_V2.svg/langta-640px-Clindamycin_Structural_Formula_V2.svg.png&w=640&q=50)
கிளின்டாமைசின்
From Wikipedia, the free encyclopedia
கிளின்டாமைசின் (Clindamycin) என்னும் எதிருயிரி காது, தொண்டை, எலும்பு அல்லது மூட்டுகளில் ஏற்படும் தொற்றுகள், இடுப்பு அழற்சி நோய், நுரையீரல் அழற்சி, இதய உள்ளுறை அழற்சி ஆகிய பாக்டீரிய தொற்றுகளுக்கு எதிராகப் பயன்படுத்தப்படுகிறது[1]. சில நேரங்களில் மெத்திசிலின்-எதிர்ப்பு இஸ்டெபிலோகாக்கசு ஆரியசு (MRSA) பாக்டீரியா தொற்றுக்கு எதிராகப் பயன்படுத்தப்படுகிறது[2]. மேலும், முகப்பரு, மலேரியாவிற்கு குயினைன் மருந்துடனும் உபயோகப்படுத்தப்படுகிறது[1][3]. வாய்வழி மற்றும் சிரைவழியாக உபயோகிப்பதற்கோ, தோல் அல்லது யோனியில் தடவுவதற்காக மேற்பூச்சு குழைவாகவோக் கிடைக்கிறது[1][3].
![Thumb image](http://upload.wikimedia.org/wikipedia/commons/thumb/3/30/Clindamycin_Structural_Formula_V2.svg/320px-Clindamycin_Structural_Formula_V2.svg.png)
குமட்டல், வயிற்றுப்போக்கு, அரிப்பு, ஊசி போடும் இடத்தில் வலி ஆகியன பொதுவான பக்க விளைவுகளாகும்.[1] இம்மருந்தை உபயோகப்படுத்துவதினால், மருத்துவமனையில் ஏற்படும் பெருங்குடல் அழற்சிக்கான இடர் நான்கு மடங்கு அதிகரிக்கிறது[4]. இக்காரணத்தினால் கிளின்டாமைசினுக்குப் பதிலாக பிற எதிருயிரிகள் பரிந்துரைக்கப்படுகின்றன.[1] பொதுவாக கர்ப்பகாலங்களில் உபயோகப்படுத்தப்படுவது பாதுகாப்பானதாகவே தோன்றுகிறது.[1] பாக்டீரியாவின் புரத உற்பத்தியைத் தடுப்பதன் மூலம் எதிருயிரியாகச் செயற்படுகிறது.[1]