கிரேசு ஹாப்பர்
From Wikipedia, the free encyclopedia
கிரேஸ் முர்ரே ஹாப்பர் (Grace Murray Hopper, திசம்பர் 9, 1906 – சனவரி 1, 1992) அமெரிக்க கணினியியலாளரும் ஐக்கிய அமெரிக்கக் கடற்படையில் ரியர் அட்மிரலாகப் பணியாற்றியவருமாவார். கணினியிலில் ஓர் முன்னோடியாக ஆர்வர்டு மார்க் I கணினியில் பணியாற்றிய முதல் நிரலாளர்களில் ஒருவரும், கணினிகளுக்கு முதன்முதலாக நிரல்மொழிமாற்றி எழுதியவரும் ஆவார்.[1][2][3][4][5] கணிப்பொறியை அடிப்படையாகக் கொள்ளாத நிரலாக்கமொழி குறித்த கருத்தாக்கத்தை உருவாக்கியவர் இவரே. இவரது கருத்தாக்கத்தின் வழியிலேயே உயர்நிலை கணினி நிரலாக்க மொழிகளில் முதலாவதான கோபால் (நிரலாக்க மொழி) உருவாக்கப்பட்டது.
கிரேசு முர்ரே ஹாப்பர் | |
---|---|
சனவரி 1984இல் ஹாப்பர் | |
பட்டப்பெயர்(கள்) | "வியத்தகு கிரேசு" |
பிறப்பு | (1906-12-09)திசம்பர் 9, 1906 நியூயார்க் நகரம், நியூ யோர்க் மாநிலம், அமெரிக்க ஐக்கிய நாடு |
இறப்பு | சனவரி 1, 1992(1992-01-01) (அகவை 85) ஆர்லிங்டன், வர்ஜீனியா, ஐ.அ. |
புதைக்கப்பட்ட இடம் | ஆர்லிங்டன் தேசியக் கல்லறைத் தோட்டம் |
சார்பு | அமெரிக்க ஐக்கிய நாடு |
சேவை/ | அமெரிக்கக் கடற்படை |
சேவைக்காலம் | 1943–1966, 1967–1971, 1972–1986 |
தரம் | ரியர் அட்மிரல் |
விருதுகள் | பாதுகாப்பு சீர்மிகு சேவை பதக்கம் லெஜியன் ஆஃப் மெரிட் சிறப்புச் சேவை பதக்கம் அமெரிக்க கேம்பெய்ன் பதக்கம் இரண்டாம் உலகப்போர் வெற்றிப் பதக்கம் தேசிய பாதுகாப்பு சேவை பதக்கம் ஆயுதப்படைகளின் இருப்புப் பதக்கம் - இரு மணிப்பேழை கருவிகளுடன் கடற்படை இருப்பு பதக்கம் |
கணினியிலிருந்து ஓர் அந்துப்பூச்சி எடுக்கப்படுவதைக் கண்ட கிரேஸ் அதனையொட்டி கணினி நிரல்களில் வழு நீக்கப்படுவதற்கு இன்று பரவலாக பயன்படுத்தப்படும் பூச்சி நீக்கம் எனப் பொருள்படும் டிபக்கிங் என்ற சொல்லை உருவாக்கினார். அவரது சாதனைகளையும் கடற்படை பதவியையும் கருதி சிலநேரங்களில் "வியத்தகு கிரேசு" (Amazing Grace) எனக் குறிப்பிடப்படுகிறார்.[6][7] அமெரிக்கக் கடற்படையின் போர்க்கப்பல் ஒன்று (USS Hopper (DDG-70)) இவரது பெயரைத் தாங்கி உள்ளது; இதேபோல தேசிய ஆற்றல் ஆய்வு அறிவியல் கணினி மையத்தின் மீத்திறன் கணினி கிரே XE6க்கு இவரது பெயரிடப்பட்டுள்ளது.