கியோனி வனவிலங்கு சரணாலயம்

கியோனி வனவிலங்கு சரணாலயம் (Kheoni Wildlife Sanctuary) என்பது ஒரு வனவிலங்கு சரணாலயம் ஆகும். இது மத்தியப் பிரதேசத்தின் தேவாஸ் மாவட்டத்தின் கன்னோட் தாலுகா மற்றும் செஹோர் மாவட்டத்தின் சில பகுதிகளில் அமைந்துள்ளது.^[3][4] இந்த வனவிலங்கு சரணாலயம் 132 சதுர கிலோமீட்டர் பரப்பளவில் பரவியுள்ளது. இது தாழ்வாரங்கள் மூலம் ரதபாணி புலிகள் காப்பகத்துடன் இணைக்கப்பட்டுள்ளது. இங்கு காணப்படும் உலர் இலையுதிர் காடுகளில் தேக்கு, தேண்டு மற்றும் மூங்கில் ஆகிய மரங்கள் காணப்படுகின்றன.

கியோனி வனவிலங்கு சரணாலயம்
ஐயுசிஎன் வகை IV (வாழ்விடம்/இனங்களின் மேலாண்மைப் பகுதி)
Kheoni Wildlife Sanctuary கியோனி வனவிலங்கு சரணாலயம் (மத்தியப் பிரதேசத்தில் அமைவிடம்)
அமைவிடம்	தேவாஸ் மாவட்டம் மற்றும் செஹோர் மாவட்டம், மத்தியப் பிரதேசம், இந்தியா
அருகாமை நகரம்	கன்னோட்
ஆள்கூறுகள்	22.8373°N 76.8765°E / 22.8373; 76.8765[1]
பரப்பளவு	134.778 km2 (52.038 sq mi)[2]
நிறுவப்பட்டது	1974
நிருவாக அமைப்பு	வனத்துறை, மத்தியப் பிரதேசம்

இங்கு புலிகள் உள்ளன, அவை ராதாபானியிலிருந்து இடம்பெயர்ந்து கியோனியை காலனித்துவப்படுத்தியுள்ளன.^[5][6] சிறுத்தைகள் கணிசமான எண்ணிக்கையில் உள்ளன. பொதுவாகக் காணப்படும் பிற ஊன் உண்ணி விலங்குகள் காட்டுப் பூனைகள், குள்ளநரிகள் மற்றும் கோடுகள் கொண்ட கழுதைப்புலி ஆகும். இங்கு நில்காய், பிளாக்பக், சிங்காரா மற்றும் சிதல் (புள்ளி மான்) ஆகியவை ஆதிக்கம் செலுத்தும் தாவர உண்ணிகள் ஆகும். கட மான், காட்டுப்பன்றி, குரைக்கும் மான், நான்கு கொம்பு கொண்ட மான் மற்றும் பனை சிவெட் ஆகியவையும் உள்ளன, ஆனால் அரிதாகவே காணப்படுகின்றன.

ஏப்ரல் 2018 இல் செய்யப்பட்ட ஒரு பறவைகள் கணக்கெடுப்பின்படி, கியோனியில் சுமார் 125 வகையான பறவைகள் உள்ளன, இதில் மத்தியப் பிரதேசத்தின் மாநிலப் பறவையான, இந்திய சொர்க்கம் பூச்சி பிடிப்பானும் உள்ளடங்கும்.^[7] பிளம் தலை கிளிகள், யூரேசிய காலர் புறா, சிரிக்கும் புறா, கஷ்கொட்டை தோள் பெட்ரோனியா, பொதுவான காகம் மற்றும் கருப்பு ட்ரோங்கோ ஆகியவை ஏராளமாகக் காணப்படும் பிற பறவைகள் ஆகும்.

படக்காட்சியகம்

• 
  கியோனி வனவிலங்கு சரணாலயம், தேவாஸ்
• 
  கியோனி வனவிலங்கு சரணாயலயத்தில் காணப்படும் புள்ளி மான்

குறிப்புகள்

1. "Kheoni". protectedplanet.net.
2. "List of Wildlife Sanctuaries (as on December 2020)". பார்க்கப்பட்ட நாள் 22 December 2021.
3. "Protected Area Gazette Notification Database (Madhya Pradesh)". பார்க்கப்பட்ட நாள் 22 December 2021.
4. "Kheoni Wildlife Sanctuary". WildTrails Recent Sightings.
5. "Tigers Spotted for First Time in Madhya Pradesh's Kheoni Wildlife Sanctuary". News18. 24 June 2019. பார்க்கப்பட்ட நாள் 2 October 2021.
6. "tigers at dewas' kheoni sanctuary: MP: 5 tigers spotted in Dewas' Kheoni sanctuary". தி டைம்ஸ் ஆஃப் இந்தியா. 24 June 2019. பார்க்கப்பட்ட நாள் 16 January 2022.
7. "Four new species found in first Malwa bird count". தி டைம்ஸ் ஆஃப் இந்தியா. 9 April 2018. https://timesofindia.indiatimes.com/city/indore/first-malwa-bird-counting-four-new-species-found-in-first-bird-survey/articleshow/63672444.cms.

•