கனிம நீர்
From Wikipedia, the free encyclopedia
கனிம நீர் (Mineral water) என்பது ஒரு கனிம நீரூற்றில் இருந்து கிடைக்கும் தண்ணீராகும். தாதுக்கள், உப்புகள் மற்றும் கந்தகச் சேர்மங்கள் போன்ற பல்வேறு கனிமங்கள் இதில் சேர்ந்திருக்கும். கனிம நீரூற்றில் கிடைக்கும் கனிம நீரில் ஏராளமான வாயுக்களும் இடம்பெற்றிருக்கலாம். இவ்வாயுக்களின் இருப்பு அல்லது இல்லாமைக்கு ஏற்ப கனிமநீரின் தோற்றம் மாறுபடலாம்.
![Thumb image](http://upload.wikimedia.org/wikipedia/commons/thumb/4/42/Vata-Gurgur.jpg/320px-Vata-Gurgur.jpg)
பாரம்பரியமாக கனிம நீர் அவற்றின் நீரூற்று மூலங்களில் பயன்படுத்தப்பட்டது அல்லது நுகரப்பட்டது. குளியல், குளியல் சிகிச்சை அல்லது பொழுதுபோக்கிற்காக இக்கனிமநீர் முதன்மையாக பயன்படுத்தப்பட்டது. நிலத்திலிருந்து கனிம நீர் வெளிப்படுவதும், அந்நீரை உடல் நலத்திற்கு ஏற்றதாகக் கருதி மக்கள் அதை அருந்தச் செல்வதும் காலங்காலமாகப் பின்பற்றப்பட்டது. இவ்விடங்கள் மருந்து நீரூற்றுகள் என்றும், இங்கு மேற்கொள்ளப்படும் சிகிச்சை குளியல் மருத்துவம் என்ற பெயராலும் அழைக்கப்பட்டன.
இன்று, நுகர்வுக்காக கனிமநீர் புட்டிகளில் அடைக்கப்படுவது மிகவும் பொதுவான நடைமுறையாகி உள்ளது. தண்ணீரை நேரடியாக அணுகுவதற்காக கனிமநீர் தளத்திற்கு பயணம் செய்வது இப்போது அசாதாரணமானதாக மாறியுள்ளது. மேலும் பல சந்தர்ப்பங்களில் பிரத்தியேக வணிக உரிமை, உரிமைகள் காரணமாக சாத்தியமில்லாமலும் போகிறது. கனிமநீர் என்ற பெயரில் 4,000 எண்ணிக்கைக்கும் மேற்பட்ட வணிகப் பெயரில் தண்ணீர் உலகளவில் வணிக ரீதியாக கிடைக்கின்றன.[1]
பல இடங்களில் "கனிம நீர்" என்பது குழாய் நீருக்கு மாறாக, புட்டிகளில் கார்பனேற்றம் செய்யப்பட்ட நீர் அல்லது சோடா தண்ணீரைக் குறிக்கப் பயன்படுத்தப்படுகிறது.