From Wikipedia, the free encyclopedia
ஓலே கிறித்தென்சென் உரோமர் (Ole Christensen Rømer) (டேனிய பலுக்கல்: [ˈo(ː)lə ˈʁœːˀmɐ]; 25 செப்டம்பர் 1644 – 19 செப்டம்பர் 1710) ஒரு டேனீசிய வானியலாளர் ஆவார். இவர் 1676 இல் ஒளியின் வேகத்தை முதலில் அளந்து மதிப்பிட்டார்.
ஓலே உரோமர் Ole Rømer | |
---|---|
ஓலே உரோமர், ஜேகப் கொனிங்கின் ஓவியம், 1700 | |
பிறப்பு | ஓலே கிறித்தென்சென் உரோமர் 25 செப்டம்பர் 1644 ஆர்த்தசு, டென்மார்க்–நார்வே |
இறப்பு | 19 செப்டம்பர் 1710 65) கோப்பனேகன், டென்மார்க்–நார்வே | (அகவை
தேசியம் | டேனீசியர் |
துறை | வானியல் |
கல்வி கற்ற இடங்கள் | கோப்பனேகன் பல்கலைக்கழகம் |
அறியப்படுவது | ஒளி வேகம் |
கையொப்பம் |
இவர் புத்தியல்கால வெப்பமானியைக் கண்டறிந்தார். இது நீரின் இரு நிலையான வெப்பநிலைகளான உறைநிலைக்கும் கொதிநிலைக்கும் இடையிலான வெப்பநிலைகளை அளந்தது.
இவர் 1644 செப்டம்பர் 25 இல் ஆர்த்தசுவில் பிறந்தார். இவரது தந்தையார் கிரித்தென் பெடெர்சென் (இறப்பு: 1663) ஆவார். இவரது தாயார் அன்னா ஒலுப்சுதத்தே சுட்டார்ம் (அண். 1610-1690) ஆவார். இவர் செல்வ வளமான குடும்பத்தில் பிறந்தவர் ஆவார்.[1] 1642 ஆம் ஆண்டுக்குப் பிறகு, இவர் தன்பெயரை உரோமர் எனப் பயன்படுத்தலானார். இதன் பொருள் இவர் டேனீசியத் தீவின் உரோமோவில் இருந்து வந்தவர் என்பதாகும். கிறிசுதென் பெடெர்சென் எனும் பெயரில் பலர் இருந்ததால் அவர்களில் இருந்து வேறுபடுத்தவே இப்பெயர் மாற்றத்தைப் பயன்படுத்த நேர்ந்துள்ளது.[2] ஆர்த்தசுவில் இருந்த பழைய கதீட்ரல் பள்லியில் கல்வி முடித்த ஆண்டான 1662 ஆம் ஆண்டுக்கு முன் இவரைப் பற்ரிய பதிவேதும் கிடைக்கவில்லை[3][4] இவர் கோப்பனேகனுக்குச் சென்று அங்கு கோப்பனேகன் பல்கலைக்கழகத்தில் பட்டம் பெற்றார். இவரது பல்கலைக்கழக வழிகாட்டி இராசுமசு பர்த்தோலின் ஆவார். பர்த்தோலின் வீட்டில் இவர், 1668 இல் உடன்தங்கியிருந்தபோது, அவர் ஐசுலாந்து படிகம் என்ற கால்சைட்டின் ஒளிக்கதிரின் இரட்டை ஒளிவிலகல் பற்ரிய ஆய்வை வெளியிட்டுள்ளார். அப்போது பர்த்தோலின் டைக்கோ பிராகுயி அவர்களின் நோக்கீடுகளை வெளியிடும் பணியில் ஈடுபட்டிருந்த்தால், உரோமர் அவற்றில் இருந்து கணிதவியலும் வானியலும் கற்க அனைத்து வாய்ப்புகளையும் பெற்றிருந்தார்.[5]
பிரெஞ்சு அரசு உரோமரைப் பணியில் அமர்த்தியது. பதினான்காம் உலூயிசு இவரைத் தவுபினுக்குப் பயிற்றுநராக அமர்த்தினார். அப்போது இவர் வார்சேல்சின் அரிய ஊற்றுகளை வடிவமைத்து அதன் கட்டுமானத்திலும் ஈடுபட்டார்.
இவர் டென்மார்க்கில் காலந்தோறும் பல தகைமைகளால் பாராட்டப்பட்டுள்ளார். இவரது உருவம் நாணயத்தாள்களில் வெளியிடப்பட்டது.[6] ஓலே உரோமர் மலை இவரது நினைவாகப் பெயரிடப்பட்டது Ole Rømer's Hill .[7] ஆர்த்தசு, கோப்பனேகன் தெருக்களுக்கும் இவரது பெயர் சூட்டப்பட்டுள்ளன (Ole Rømers Gade and Rømersgade ).[8][9] ஆர்த்தசு பல்கலைக்கழகத்தின் வான்காணகமும் இவரது நினைவாகப் பெயரிடப்பட்டுள்ளது The Ole Rømer Observatory (Ole Rømer Observatoriet ). தேர்ந்தெடுத்த விண்மீன்களின் அகவையும் வெப்பநிலையும் இயற்பியல், வேதியியல் பண்புகளையும் மதிப்பிட ஏவப்பட்ட டேனீசியச் செயற்கைக்கோள் ஒன்றும் இவரது பெயரிடப்பட்டுள்ளது The Rømer Satellite . இந்த செயற்கைக்கோள் திட்டம் 2002 இல் நிறுத்தப்பட்டது. பின்னரும் அது மேற்கொள்ளப்படவில்லை.[10][11]
நிலாவின் உரோமர் குழிப்பள்ளம் இவரது நினைவாகப் பெயர் இடப்பட்டுள்ளது.[12]
{{cite book}}
: CS1 maint: unrecognized language (link)Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.