உர்வா
From Wikipedia, the free encyclopedia
உர்வா என்பது கெர்பெசுடிடே என்ற கீரி குடும்பத்தில் உள்ள ஆசிய கீரிகளை உள்ளடக்கிய ஒரு பேரினமாகும். இந்தப் பேரினத்தில் உள்ள சிற்றினங்கள் முன்பு கெர்பெசுடெசு பேரினத்தின் கீழ் வகைப்படுத்தப்பட்டன. இவை இப்போது பிரத்தியேகமாக ஆப்பிரிக்கக் கீரிகளை உள்ளடக்கியதாகக் கருதப்படுகிறது. ஆசியக் கீரிகள் ஒரு ஒற்றைத் தொகுதிமரபு உயிரினத் தொகுதியினை உருவாக்குகின்றன. ஆசியக் கீரிகள் பொதுவான மூதாதையர்களைக் கொண்டிருந்தன என்பதைத் தொகுதிப் பிறப்பு சான்றுகள் சுட்டிக்காட்டுகின்றன. உர்வா ஜெனோகேல் மற்றும் அடிலாக்சுடன் ஒரு உட்கிளையினை உருவாக்குகிறது, கெர்பெசுடெசு மற்ற அனைத்து ஆப்பிரிக்கக் கீரி இனங்களையும் உள்ளடக்கிய உட்கிளையினை உருவாக்குகிறது.[1][2]
உர்வா | |
---|---|
இந்தியப் பழுப்பு கீரி | |
உயிரியல் வகைப்பாடு | |
திணை: | |
தொகுதி: | |
வகுப்பு: | |
வரிசை: | |
குடும்பம்: | |
பேரினம்: | உர்வா |
மாதிரி இனம் | |
[உர்வா உர்வா | |
சிற்றினம் | |
அட்டவணையினை காண்க | |
உர்வா சிற்றினப் பரம்பல்
|
ஒரு உர்வா புதைபடிவ மாதிரி, மேல் அரைவைப் பல், மத்திய மியான்மரில் உள்ள ஐராவதி நதி பள்ளத்தாக்கில் அகழ்வாய்வு மூலம் கண்டுபிடிக்கப்பட்டது. இதனுடைய காலம் பிலியோசீனின் பிற்பகுதியாக இருக்கும் என்று மதிப்பிடப்பட்டுள்ளது.[3]
உர்வா என்ற அறிவியல் பெயர் 1836ஆம் ஆண்டில் நண்டு உண்ணும் கீரியின்[4] பெயராகவும், அடுத்த ஆண்டில் பொதுவான பெயராகவும் பிரையன் ஹூட்டன் ஹோட்சன் என்பவரால் உருவாக்கப்பட்டது. [5] உர்வா சிற்றினங்கள் அறபுத் தீபகற்பத்திலிருந்து இந்தோனேசியத் தீவான சாவகம் வரை பரவலான காணப்படுகின்றன.[6] சிறிய இந்தியக் கீரி (உ. அவுரோபுங்டேட்டா) 19ஆம் நூற்றாண்டின் பிற்பகுதியில் பல தீவுகளில் அறிமுகப்படுத்தப்பட்டது. இங்கு இது ஒரு ஆக்கிரமிப்பு இனமாக மாறியுள்ளது.[7]