![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/fb/Kievan_Rus_en.jpg/640px-Kievan_Rus_en.jpg&w=640&q=50)
உருசிய வரலாறு
From Wikipedia, the free encyclopedia
உருசிய வரலாறு 9ஆம் நூற்றாண்டில் துவங்குகிறது. நொவ்கொரொடு (Novgorod) என்ற நகரத்தில் வாழ்ந்த ஸ்லாவ் (Slav) இன மக்களிடையே ஒற்றுமை ஏற்படுத்த பொ.ஊ. 860-இல் வைகிங் என்ற இன மக்கள்[1] அழைத்து வரப்பட்டனர். நாளடைவில் அவர்கள் நாவ்கொராடு[2] மற்றும் கீவ் (Kiev) நகரங்களுக்கு இடையே தங்கி வாழத்தொடங்கினர்.[3] அவர்கள் வாஞ்சியன் ருஸ் (Vangian Rus) என்று அழைக்கப்பட்டமையால் அவர்கள் வாழுமிடம் உருஷ்யர்கள் நாடு என்று அழைக்கப்பட்டது.
![Thumb image](http://upload.wikimedia.org/wikipedia/commons/thumb/f/fb/Kievan_Rus_en.jpg/640px-Kievan_Rus_en.jpg)
1237-1240 ஆண்டு காலகட்டத்தில் நடைபெற்ற மங்கோலிய படையெடுப்புகள் காரணமாக அங்குள்ள மக்களில் பாதிபேர் இறந்தனர் மேலும் அது பல்வேறு பகுதிகளாக சிதறுண்டது. அதேசமயத்தில் அங்கு பல குழுக்களிடையே அந்நாட்டின் மரபுரிமைக்காக போராடின அவற்றுள் நொவ்கொரோட் (Novgorod), சொகோவ் (Pskov) ஆகியவை குறிப்பிடதக்கவையாகும்.
13 ஆம் நூற்றாண்டின் பின்பகுதியில் மாஸ்கோ ஒரு கலாச்சார மையமாக மாறியது. 18 ஆம் நூற்றாண்டில், ரஷ்யா ட்சார்டோம் (Tsardom) பேரரசு போலந்து , லிதுவேனிய காமன்வெல்த் இருந்து கிழக்கில் பசிபிக் பெருங்கடல் அகன்று இருந்தது. மேற்கு திசையில் அதன் விரிவாக்கம் ஐரோப்பாவில் நடந்த பிறகு அது அங்கு பிரபலமடைந்தது. 1861 இல் ரஷியாவிலிருந்து பண்ணையடிமை முறை நீக்கப்பட்டது எனினும் விவசாயிகளுக்கு சாதகமில்லாத நிபந்தனைகளை அது கொண்டிருந்தது புரட்சிக்கு வித்திட்டது. அடிமைத்தனத்தை ஒழித்ததிலிருந்து 1914 ல் முதல் உலக போர் வரையிலான காலகட்டத்தில் அங்கு பல் சீர்திருத்தங்கள் ஏற்பட்டது. 1906 ல் அதன் டுமா மாநிலம் அரசியலமைப்பு, பொருளாதாரம் மற்றும் ரஷ்ய அரசியலில் குறிப்பிடத்தக்க மாற்றங்களை அறிமுகப்படுத்தியது, எனினும் ட்சார்ஸ் (tsars) பகுதி தன் சர்வாதிகார ஆட்சியை கைவிட தயாராக இல்லை.
1917 ல் ரஷியாவின் பொருளாதார சரிவு, போர் களைப்பு , மற்றும் அரசாங்கத்தின் எதேச்சதிகார அமைப்பு மீதான அதிருப்தி காரணமாக அங்கு ஒரு புரட்சி வெடித்தது.இதன் காரணமாக 25 அக்டோபர் அன்று கம்யூனிஸ்ட் போல்ஷ்விக்குகள் தலைமையில் ஆட்சியை கைப்பற்றினர்.1922 மற்றும் 1991 க்கு இடையில் ரஷ்ய வரலாறு சோவியத் ஒன்றியத்தின் வரலாறாக மாறியது.மார்ச் 1918 ல் தொடங்கி 80 கள் வரை அங்கு கம்யூனிஸ்ட்டுகளின் ஒரு கட்சி ஆட்சியே நடைமுறையில் இருந்தது. எனினும் 1980 ஆம் ஆண்டுகளில் இறுதியில் அரசியல் கட்டமைப்புகள் மற்றும் பொருளாதார பலவீனங்கள், கம்யூனிஸ்ட் தலைவர்களின் சீர்திருத்தங்கள் போன்றவை சோவியத் ஒன்றியத்தின் வீழ்ச்சிக்கு வழிவகுத்தது
ரஷியன் கூட்டமைப்பு வரலாறு ஜனவரி 1992 ல் இருந்து தொடங்குகிறது இது சர்வதேச அரங்கில் சோவியத் ஒன்றியத்தின் சட்டபூர்வ வாரிசு என அறிவிக்கப்பட்டத.எனினும் ரஷ்யா சோவியத் யூனியனின் வீழ்ச்சிக்கு பின் அதன் அரசியல் மற்றும் பொருளாதார அமைப்பை பலப்படுத்தும் முயற்சியில் தீவிர சவால்களை எதிர்கொள்கிறது இதன் காரணமாக அது அதன் வல்லரசு நிலையை இழந்துவிட்டது.அது சந்தை முதலாளித்துவத்தை அடிப்படையாக கொண்ட ஒரு பொருளாதாரத்தை உருவாக்க முயற்சிக்கிறது எனினும் அது பெரும்பாலும் எதிர்பாரா விளைவுகளையே ஏற்படுத்துகிறது.இன்றும் அது தன் அரசியல் கலாச்சார மற்றும் சமூக கட்டமைப்புகளில் ட்சார்ஸ் மற்றும் சோவியத்து கூட்டமைப்புகளின் கொள்கைகளையே சார்ந்துள்ளது.