![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/12/ChrisGayle_Cropped.jpg/640px-ChrisGayle_Cropped.jpg&w=640&q=50)
இந்தியன் பிரீமியர் லீகில் சதமடித்தவர்கள்
விக்கிப்பீடியா:பட்டியலிடல் / From Wikipedia, the free encyclopedia
துடுப்பாட்டத்தில் ஒரு வீரர் ஒரு ஆட்டத்தில் நூறு அல்லது அதற்கு மேற்பட்ட ஓட்டங்களை பெற்றால் அது சதமாக கருதப்படும். ஒருவர் அதிக சதமடித்திருந்தால் அவர் சிறந்த வீரராக கருதப்படுகிறார்.இந்தியன் பிரீமியர் லீக் என்பது இந்தியாவில் 2008-ம் ஆண்டு முதல் நடைபெற்று வரும் ஒரு துடுப்பாட்ட தொடராகும். இந்தியன் பிரீமியர் லீகில் இதுவரை 22 வீரர்களால் 28 சதங்கள் அடிக்கப்பட்டிருக்கின்றன. இதில் புனே வாரியர்ஸ் இந்தியா, கொச்சி இட்டசுக்கேர்சு கேரளா மற்றும் சன்ரைசர்ஸ் ஐதராபாத் ஆகிய அணி வீரர்களைத் தவிர மற்ற எல்லா அணி வீரர்களும் சதமடித்திருக்கிறார்கள்.[2],[3].[4][5]
![A man standing with his hands in his pockets. He is wearing a blue–black hat and top](http://upload.wikimedia.org/wikipedia/commons/thumb/1/12/ChrisGayle_Cropped.jpg/320px-ChrisGayle_Cropped.jpg)
2008-ம் ஆண்டு நடந்த இந்தியன் பிரீமியர் லீக் முதலாவது தொடரில் கொல்கத்தா நைட் ரைடர்ஸ் அணி வீரர் பிரண்டன் மெக்கல்லம் பெங்களூர் சின்னசாமி மைதானத்தில் ஏப்ரல் 18-ம் நாளன்று நடந்த பெங்களூர் ராயல் சேலஞ்சர்ஸ் அணிக்கு எதிரான ஆட்டத்தில் 158 ஓட்டங்கள் எடுத்து தனது முதலாவது சதத்தை பதிவு செய்தார். இதுவே இந்தியன் பிரீமியர் லீக் வரலாற்றில் அடிக்கப்பட்ட முதலாவது சதமாகும்.[6] இந்தியன் பிரீமியர் லீக் தொடரில் இதுவரை அதிகபட்சமாக பெங்களூர் ராயல் சேலஞ்சர்ஸ் அணி வீரர் கிறிஸ் கெயில், புனே வாரியர்ஸ் இந்தியா அணிக்கு எதிராக 66 பந்துகளுக்கு 175 ஓட்டங்கள் எடுத்து முதலிடத்தில் உள்ளார்.