இணைகேடய இயக்குநீர்
From Wikipedia, the free encyclopedia
இணைகேடய இயக்குநீர் [Parathyroid hormone (PTH)], இணைகேடய சுரப்பியின் முதன்மை உயிரணுக்களால் 84 அமினோ அமிலங்களைக் கொண்ட பல்புரதக் கூறாகச் சுரக்கப்படுகின்றது. இது, இரத்த கால்சிய (Ca2+) செறிவை அதிகரிக்கின்றது. ஆனால், தைராய்டு சுரப்பியின் பக்க நுண்குமிழ் உயிரணுக்களால் உருவாக்கப்படும் கால்சிடோனின் கால்சிய (Ca2+) செறிவைக் குறைக்கின்றது. இணைகேடய இயக்குநீர் முதல் ஏற்பி (parathyroid hormone 1 receptor; எலும்பு மற்றும் சிறுநீரகத்தில் அதிக அளவு உள்ளது) மற்றும் இணைகேடய இயக்குநீர் இரண்டாம் ஏற்பிகளின் (parathyroid hormone 2 receptor; மைய நரம்பு மண்டலம், கணையம், விந்தகம் மற்றும் நஞ்சுக்கொடியில் அதிக அளவு உள்ளது) மீது செயற்படுவத்தின் மூலம் இந்த இயக்குநீர் இரத்த கால்சியச் (Ca2+) செறிவை அதிகரிக்கின்றது[2],[3],[4]. இணைகேடய இயக்குநீரின் அரைவாழ்நாள் தோராயமாக நான்கு நிமிடங்களாகும்[5]. இதன் மூலக்கூற்று நிறை 9.4 கிலோடால்டன்களாகும்[6].
![Thumb image](http://upload.wikimedia.org/wikipedia/commons/thumb/a/a3/Illu_thyroid_parathyroid.jpg/262px-Illu_thyroid_parathyroid.jpg)
![Thumb image](http://upload.wikimedia.org/wikipedia/commons/thumb/8/86/Protein_PTH_PDB_1bwx.png/640px-Protein_PTH_PDB_1bwx.png)
![Thumb image](http://upload.wikimedia.org/wikipedia/commons/thumb/2/23/Calcium_regulation.png/640px-Calcium_regulation.png)