அலெப்போ பெரிய பள்ளிவாசல்
அலெப்போவில் உள்ள பள்ளிவாசல், சிரியா / From Wikipedia, the free encyclopedia
அலெப்போ பெரிய பள்ளிவாசல் (அரபு மொழி: جامع حلب الكبير Jāmi‘ Halab al-Kabīr) அல்லது அலெப்போ உமாய்யது பள்ளிவாசல் (அரபு மொழி: جامع بني أمية بحلب Jāmi‘ al-Umawi al-Kabīr) சிரியாவின் அலெப்போ நகரத்தில் உள்ள மிகப்பெரிய மற்றும் தொன்மையான பள்ளிவாசல் ஆகும். உலகப் பாரம்பரியக் களமான இந்தப் பள்ளிவாசல் அலெப்போ பழைய நகரத்தில் அல்-ஜலோம் மாவட்டத்தில் அல்-மதீனா சவுக்கிற்கு நுழைவாயிலில் அமைந்துள்ளது. இந்தப் பள்ளிவாசலில் திருமுழுக்கு யோவானின் தந்தையான செக்காரியாவின் உடலடக்கம் செய்யப்பட்டுள்ளதாக அறியப்படுகிறது.[1][2] துவக்கத்தில் 8ஆம் நூற்றாண்டில் கட்டப்பட்டிருந்தாலும் தற்போதைய கட்டடம் 11வதிலிருந்து 14ஆம் நூற்றாண்டு வரை கட்டப்பட்டுள்ளது. 1090இல் கட்டப்பட்ட மினார்,[3] சிரியா உள்நாட்டுப் போரின் போது ஏப்ரல் 24, 2013இல் அழிக்கப்பட்டது.[4]