Lyńdźiny

Lyńdźiny (pol. Lędziny, mjym. Lendzin) – mjasto we powjeće bjerůńsko-lyńdźińskym we wojewůdztwje ślůnskym. Sůmśaduje uod půunocy s Katowicůma i Mysuowicůma, uod wschodu s Imjelinym i Cheumym Ślůnskym, uod pouedńo s Bjeruńym, natůmjast uod zachodu s Tychůma.

Lyńdźiny
Wapyn Lyńdźin
Wojewůdztwo	ślůnske
Krys	bjerůńsko-lyńdźiński
Mjejske prawa	1966
Burmistř	Krystyna Wróbel
Rozlygowańy	32 km²
Położyńy	50° 07'37'' N 19° 06'44'' E
Wjelość mjyszkańcůw (2006)  - wjelość  - gynstość  - aglomeracyjo	16 006 500 os./km² 2 441 000 Konurbacyjo katowicko
Numeracyjno zona	+ (48) 032
Rejestracyjno tabula	STY, SBL
Położyńy na karće Polski Lyńdźiny
Kamracke mjasta	Uničov
Mjejski urzůnd ul. Lędzińska 55 43-143 Lyńdźiny tel. [phone]; faks 032 216-65-08 (e-brif)
Galeryjo uobrozkůw we Wikimedia Commons
Internecowo zajta mjasta

W uokreśe předchřeśćijańskym we grańicach uobecnygo mjasta bůuo mjejsce kultu suowjańskigo na gůře Klimůnt, zwanyj ńygdyś Pjorůnowům Gůrkům (obecńy na tym mjejscu katolicki kośćou św. Klymynsa). Mjejscowość wspůmńano bez Jana Duůgoša, we 1160 roku stanowiua wuasność ryceřa Jaksy s Mjechowa, kery překozou ja Bynedyktynům. W XIV wjeku Lyńdźiny přelozuy pod panowańy Čech, uod 1742 roku we państwje pruskym. Teryn walk s Ńymcůma we uokreśe powstań ślůnskych, ščygůlńy zaćyntych podčas II powstańo ślůnskigo we 1920 roku. Uod 1922 roku we Polsce, we čaśe uokupacyji hitlerowskij na teryńy Lyńdźin istńou podobůz uobozu kůncyntracyjnygo Auschwitz (1944-1945). Po wojńy rozwůj grůbjorstwa i wzrost ličby mješkańcůw, we lotach 1966-1975 status samodźelnygo mjasta. W 1975 roku we wyńiku reformy admińistracyjnyj wůunčůne do Tychůw, uod 1991 půnowńy samodźelne mjasto.

Gro sam zouožůny we 1932 roku klůb fusbalowy MKS Lyńdźiny, kery grou kedyś we III lidze polskij pod mjanym Grůbjoř (pol.:Górnik).