Radziōnkōw

Radziōnkōw (rŏz za kedy tyż Cidry^[1], pol.: Radzionków, niym.: Radzionkau) to je miasto we Gōrnym Ślōnsku, we połedniowo-zachodnij Polsce, we ślōnskim wojewōdztwie, we tarnogōrskim krysie. We piyrwyjszym tajlōngu administracyjnym nŏleżoło do katowickigo wojewōdztwa a bez lata 1975-1998 bōło dzielnicōm Bytōnia.

Radziōnkōw Cidry
Wapyn Radziōnkowa Fana Radziōnkowa
Geografijŏ
Krŏj	Polska
Historycznŏ krajina	Gōrny Ślōnsk
Wojewōdztwo	ślōnske
Krys	tarnogōrski
Spōłrzyndne	50°23′59″N 18°54′06″E
Społeczyństwo
Prziwileje miasta	1951–1975, ôd 1998
Wielość pōmiyszkiwŏczōw	16 903 (2020)
Tyngość zaludniyniŏ	1278 ôs./km²
Skłŏd nacyjny	Polŏki, Ślōnzŏki
Administracyjŏ
Wiyrchnia	13,15 km²
Byrger	Gabriel Tobor
Adresa amtu miasta	ul. Męczenników Oświęcimia 42 41-922 Radzionków
Kerōnkowŏ nōmera	(+48) 32
Pocztowy kod	41-922
Ôznaczynie aut	STA
Transzport
Galeryjŏ we Wikimedia Commons
Internetowŏ zajta

Gyszichta

Nojstarsze wzmianki ô Radziōnkowie sōm we pisanych zdrzōdłach s 14. stoleciŏ (1326-1357). Wele 1430 roku Radziōnkōw bōł spalōny a ôgrabiōny ôd Husytōw. Zaś zniszczōne w czasie trzidiestoletnij wojny. Ôd 19. stoleciŏ rozwōj bergmaństwa, s anfanga galmanu, niyskorzij wōngla; a tyż hutnictwa (huta cynku "Łazarz"). Po absztimōngu Radziōnkōw ôstoł tajlōm autōnōmicznygo wojewōdztwa ślōnskigo, we czasie drugij wojny światowyj włōnczōny do Trziciego Rajchu. Ôd 1945 roku we Polsce, zmuszōnŏ do wyjazdu do Niymiec ludzi, kerych kōmunistyczny regyrōnek uzdōł za Niymcōw, mynga miyjscowych chopōw wywiyziōnŏ do przimusowyj roboty na grubach Dōnbasu. Ôd 1951 Radziōnkōw miōł prziwileje miasta.

Szport

Znōmy je klub szportowy Ruch Radzionków, kery downij wystympowōł we polskij ekstraklasie.

Kamracke miasta

Radziōnkōw je skamracōny ze:

• Dobre Miasto (Polska)
• Boguszów-Gorce (Polska)

Przipisy

1. Joanna Furgalińska: Ślónsko godka słownik dlo hanysów i goroli. Warszawa: Wydawnictwo Naukowe PWN, 2010, s. z.17. ISBN 978-83-01-16438-6.