![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/76/Prince_Ruperts_drops.jpg/640px-Prince_Ruperts_drops.jpg&w=640&q=50)
Płaczki princa Ruperta
From Wikipedia, the free encyclopedia
Płaczki princa Ruperta to je mjano kropli zuůnaczonych ze gorkigo glasu wćepanego do źimnyj wody. Wuůnczas warstwa glasu s wjyrchu zastygo fest gibko, inakszy kej we postrzodku, kaj glas zastygo po lekuśku. Płaczki princa Ruperta sům podane na kijanki lebo plymńiki, bestůż co majům duge szwance.
![Thumb image](http://upload.wikimedia.org/wikipedia/commons/thumb/7/76/Prince_Ruperts_drops.jpg/640px-Prince_Ruperts_drops.jpg)
We "gowa" płaczkůw idźe klupać motkym, dować pod presa atp., a ńy idźe ji strzaskać. Nale kej ino śe ubije "szwanc", gowa płaczkůw rozsypuje śe na floki a pulwer (ńy bydźe szplitrůw). Je tak skiż tego, co skuli roztomajtygo czasu studzyńo we warstwach płaczki je uůna fest nasztramowano, a uůna potencjalno ynergijo idźe uwolńić we kinetyczno, bez strzaskańy szwanca kery ńy je na szlagi uodporny.
Płaczki princa Ruperta sům znůme uod XVII stolećo ze Meklymburgiji a Ńiderlandůw. Princ Ryński Rupert uůnych ńy uoddeknůł, nale uůn pjyrsze je prziwjůz do Ynglandu a skiż tego we ynglickogodkowych krejach sům znůme pode uůnygo mjanym.