Mjasto-retowńik
From Wikipedia, the free encyclopedia
Mjasto-retowńik (ukr. Місто-рятівник, Misto-rjatiwnyk, IPA: /ˈmʲistɔ rʲɐtʲiu̯ˈnɪk/) to je ukrajińsko hůnorowo uodznaka, nadowano mjastům spoza Ukrajiny, kere pokozały humańizm, dobro a solidarność ze ukrajińskim norodym we jego walce uo ideały swobody, pokoju a dymokracyje wczos ruskij inwazyje.
Uodznaka bůła stworzůno dekretym prezydynta Ukrajiny Wołodymyra Zelenskigo. Podug sztandu na luty 2024. uodznaczůno bůło śedym mjast, w tym sztyry we Polsce a jedne we Czeskij Republice, żodnego we Ślůnsku.