Krōnlojter
From Wikipedia, the free encyclopedia
Krōnlojter to je zaôbycz elektryczne urzōndzynie ôświetleniowe abo świycznik mōntowany do gipsdeki[1] abo ściany[2] pōmieszczyniŏ. Wystympuje we pōmiyszkaniach, jak i we srogich zalach, holach i widowniach. Zawiyrŏ ôd jednego do wielu świytlnych pōnktōw. We barzo wielgich pōmieszczyniach może mieć skōmplikowany gysztel i skłŏdać sie z wielu ôzdobnych elymyntōw, czynsto szklannych abo kryształowych.
Ślabikŏrzowe abecadło Tyn artikel je narychtowany we ślabikŏrzowym zŏpisie ślōnskij gŏdki. Coby sie przewiedzieć wiyncyj, wejzdrzij do artikla ô nim. |
Krōnlojtry były używane już we strzedniowieku[3] we kościołach, klŏsztōrach i zōmkach dlŏ lepszego ôświytlaniŏ srogszych zalōw. Zaôbycz były to drzywnianne krziże, przimocowane sznōrami do powały, na ramiōnach kerego wrażōne były świyce.