Vipimo sanifu vya kimataifa

Vipimo sanifu vya kimataifa (kwa ing. International system of measurements, kwa far.: Système International d'unités; kifupi chake: SI) ni utaratibu uliokubaliwa kimataifa kwa kuwa na vizio vya upimaji vya pamoja duniani. Maendeleo na matumizi ya utaratibu huo huangaliwa na Ofisi ya Kimataifa ya Vipimo.

Vizio vya kimsingi vya SI

Alama	Jina	Inataja
s	sekunde	wakati
m	mita	urefu
kg	kilogramu	masi
A	ampea	mkondo wa umeme
K	kelvini	halijoto
mol	moli	kiasi cha dutu
cd	kandela	mwangaza

Mfumo huu unatumia vizio saba vya kimsingi pamoja na viambishi awali 20 kwa kutaja vigawe au sehemu za vizio hivi katika mfumo wa viambishi awali vya vipimo sanifu vya SI.

Vizio vya kimsingi ni:

• urefu (mita),
• masi (kilogramu),
• wakati (sekunde),
• mkondo wa umeme (ampea),
• halijoto (kelvini),
• kanieneo (paskali),
• kiasi cha dutu (moli),
• mwangaza (kandela)

Vizio vyote vingine kama vile eneo, kani, shinikizo au ukinzani kiumeme vinatokana na vizio asilia.

Vipimo hivi hutumika na wanasayansi kote duniani vimeenea pia katika bishara na ufundi. Hata hivyo katika maisha ya kawaida kuna vipimo mbalimbali vinavyoweza kuwa tofauti kati ya nchi na nchi.

Tazama pia

• Vipimo asilia vya Kiswahili
• Vipimo vya Uingereza