Kinili

Vinili ni ndege wadogo wa jenasi Vidua katika familia Viduidae ambao wanatokea Afrika tu. Wanaitwa fumbwe pia pamoja na spishi nyingine za Vidua. Wakati wa kuzaa madume wana rangi ya nili, lakini wakati wengine wana rangi za majike, kahawia na nyeupe, wenye michirizi miwili kwa utosi. Hula mbegu za manyasi hasa lakini wadudu pia, kumbikumbi aghalabu.

Maelezo zaidi Uainishaji wa kisayansi, Ngazi za chini ...

Kinili

Dume la kinili mweusi
^{Vidua funerea}

Uainishaji wa kisayansi

Himaya:	Animalia (Wanyama)
Faila:	Chordata (Wanyama wenye ugwe wa neva mgongoni)
Ngeli:	Aves (Ndege)
Oda:	Passeriformes (Ndege kama shomoro)
Familia ya juu:	Passeroidea (Ndege kama shomoro)
Familia:	Viduidae (Ndege walio na mnasaba na mishigi) Cabanis, 1841
Jenasi:	Vidua Stresemann, 1914

Ngazi za chini

Spishi 10:

V. camerunensis (Grote, 1922)
V. chalybeata (Müller, 1776)
V. codringtoni (Neave, 1907)
V. funerea (Tarragon, 1847)
V. larvaticola Payne, 1982
V. maryae Payne, 1982
V. nigeriae (Alexander, 1908)
V. purpurascens (Reichenow, 1883)
V. raricola Payne, 1982
V. wilsoni (Hartert, 1901)

Funga

Ndege hawa hawajengi tago lao lenyewe lakini hutaga mayai yao katika matago ya mtolondo, mshigi tombo au mshigi kidari-machungwa (udusio wa kiota, Kiing. brood parasitism). Kila spishi ya kinili inadusia spishi yake ya mtolondo au mshigi. Kinyume na kekeo vinili hawaharibu mayai ya mwenye tago. Huyataga mayai 2-4 kwa kuzidi yaliyomo. Mayai ya vinili ni meupe kama yale ya mwenyeji lakini wakubwa zaidi. Ndani ya domo la makinda inafanana na ile ya makinda ya mwenyeji na dume anaiga wimbo wake.

Spishi

Vidua camerunensis, Kinili wa Kameruni (Cameroon Indigobird)
Vidau chalybeata, Kinili-kaya (Village Indigobird)
Vidua codringtoni, Kinili Kijani (Zambezi au Green Indigobird)
Vidua funerea, Kinili Mweusi (Dusky au Variable Indigobird)
Vidua larvaticola, Kinili Barka (Barka Indigobird)
Vidua maryae, Kinili wa Jos (Jos Plateau Indigobird)
Vidua nigeriae, Kinili wa Nijeria (Quailfinch Indigobird)
Vidua purpurascens, Kinili Miguu-myeupe (Purple Indigobird)
Vidua raricola, Kinili wa Jambandu (Jambandu Indigobird)
Vidua wilsoni, Kinili wa Wilson (Wilson's Indigobird)

Picha

Dume la kinili-kaya
Jike la kinili-kaya
Dume la kinili miguu-myeupe