Stasion Yogyakarta (YK) atawa disebut Stasion Jogjakarta (Hanacaraka: ꦱꦼꦠꦱꦶꦪꦸꦤ꧀ꦠꦸꦒꦸꦔꦪꦺꦴꦒꦾꦏꦂꦠ , Sêtasiyun Tugu Ngayogyakarta) — ogé dipikawanoh minangka Stasion Tugu — nyaéta stasion karéta api kelas gedé tipeu A anu aya di Kota Yogyakarta. Stasion anu aya dina tingkat kaluhuran +113 méter ieu mangrupa stasion panggedéna anu dikokolakeun ku PT Kereta Api Indonesia (Persero) Daérah Operasi VI Yogyakarta, Kota Yogyakarta, sarta Daérah Istiméwa Yogyakarta. Stasion ieu jeung rél KA anu manjang ti wétan ka kulon aya di Kacamatan Gedongtengen. Stasion ieu ngalayanan kaberangkatan sarta kadatangan ampir kabéh kelas karéta api, kajaba KA kelas ékonomi jarak jauh jeung manengah anu disubsidi (PSO). Stasion gedé lianna di Kota Yogyakarta, nyaéta Stasion Lempuyangan, husus ngalayanan KA kelas ékonomi jeung KA lokal/komuter.