Allianz Aréna [ʔaˈli̯ants ʔaˌʁeːnaː] nyaéta stadion maén bal di München, Bayern, Jérman nu miboga kapasitas tempat diuk 75.000 jelema. Kasohor ku panél plastik ETFE di luarna, ieu stadion jadi stadion pangmimitina di dunya nu luarna bisa gonta-ganti warna. Pernahna di Wérner-Heisenberg-Allee 25 di sudut kalér séktor Schwabing-Freimann München dina Kerangas Fröttmaning, ieu stadion jadi stadion kadua panggedéna di Jérman saanggeus Wéstfalenstadion di Dortmund.