Kiwari (majalah)
From Wikipedia, the free encyclopedia
Kiwari téh ngaran majalah bulanan basa Sunda anu diterbitkeun di Jakarta taun 1957.
Kiwari digelarkeun ku R.B. Ardiwisastra jeung Rukasah S Wirasasmita. Tujuan diterbitkeunana ieu majalah nyaéta pikeun nyumponan katineung urangSunda nu hayang nenjo Sunda komaraan deui.[1] Diterbitkeun ku hiji pakumpulan (studie club) nu disebut Badan Pangulik Budaya (BPB) Kiwari. éta pakumpulan seniman budayawan Sunda téh nerbitkeun majalah kalawan daria turta estuning hiji-hijina majalah budaya Sunda anu munggaran ngahususkeun diri udaganana daria. Eusina ngamuat tulisan-tulisan perkara seni budaya Sunda, saperti kasusastran, filsafat, kasenian, basa, jeung budaya umum. Girang rumpakana dicepeng ku Rukasah SW. Demi anu jadi kontributor tulisan nyaéta para seniman budayawan nggota BPB Kiwari, saperti Olla S Sumarnaputra, Ajip Rosidi, Achdiat K Mihardja, Moh. Amir Sutaarga, Dodong Djiwapradja, Ramadhan K.H.,Tatang Sastrawiria, Boeyoeng Saleh Poeradisastra, Utuy T Sontani, Ismail Wiriadinata, Rusman Sutiasumarga, Mh. Rustandi Kartakusumah, jsb.[2] Dina salah sahiji tulisan panjang beunang Dodong Djiwapradja, ditembrakkeun konsép kumaha kalungguhan jeung fungsi budaya daerah dina lingkungan budaya Indonésia katut kumaha cara mekarkeunana. éta tulisan nu judulna “Dasar Pamadegan BPB Kiwari” téh dimuat kalawan gembleng dina hiji penerbitan husus, dina majalah Kiwari nomer 7/8 Taun I, tanggal 6 Desember 1957 – Januari 1958. Nomer-nomer munggaran mah terbitna the mayeng unggal bulan, tapi ka behdieunakeun beuki henteu puguh, kalan-kalan terbit dua nomereun disakalikeun, malah nepi ka eureunna dina taun 1958. Jadi umurna the estuning pondok pisan,ngan kuat sataun (1957 – 1958).[3] Alamat Direksi/Redaksi/Administrasi di Jl.Kubis IV No 131 Blok A II Kebayoran Baru Jakarta.
- Panganteur
- Esey Seni
- Esey Budaya
- Esey Sastra
- Sajak
- Carita Pondok
- Carita Nyambung
- Bogoh Munggaran (Iwan Toergenyew/tarjamahan Rusman Sutiasumarga)
- Pantun Lutung Kasarung
 |
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
