kabupaten di Indonesia From Wikipedia, the free encyclopedia
Kabupatén Jember nyaéta hiji kabupatén di Propinsi Jawa Wétan, Indonésia. Ibukotanya nyaéta Jember. Kabupatén ieu wawatesan jeung Kabupatén Probolinggo sarta Kabupatén Bondowoso di kalér, Kabupatén Banyuwangi di wétan, Samudra Hindia di kidul, sarta Kabupatén Lumajang di kulon. Kabupatén Jember diwangun ku 31 kacamatan.
![]() | |
![]() | |
Motto | Carya Dharma Praja Mukti |
Propinsi | Jawa Wétan |
Ibukota | Jember |
Lega Wilayah | 2.948,87 km² |
Kordinat | 113°30’ - 113°45’ BT sarta 8°00’ - 8°30’ LS |
Pangeusi · Jumlah · Kapadetan | 2.332.000(2003) 791 jiwa/km² |
Administratif · Kacamatan · Désa/kal | 31 244 |
Dasar hukum | UU No. 12 Tahun 1950 |
Tanggal | -1 Januari 1929 |
Bupati | MZA Djalal |
{{{kapala daerah1}}} | {{{nami kapala daerah1}}} |
Kode aréa | 0331 |
DAU | Rp. 1.417.603.982.000.- (2013) |
Ramatloka: Pemkab Jember |
Kota Jember baheula mangrupa kota administratif, tapi saprak taun2001 istilah kota administratif dihapus, ku kituna Dayeuh Administratif Jember jadi bagian ti Kabupatén Jember. Jember mangrupa puseur regional di wewengkon wétan tapal kuda, di dayeuh ieu aya paguron luhur nagri Universitas Jember.
Bagian kidul wewengkon Kabupatén Jember nyaéta dataran handap jeung titik pangluarna nyaéta pulo Nusa Barong. Bagian kulon laut (wwatesa jeung Kabupatén Probolinggo nyaéta pagunungan, bagian tina Pagunungan Iyang, kalawan penclutna Gunung Argopuro (3.088 m). Bagian wétan mangrupa bagian tina runtuyan Dataran Luhur Ijen.
Dayeuh Jember perenahna di jalur utama Surabaya-Jember-Banyuwangi. Jember ogé diliwatan jalur karéta api, anu nyambungkeun Jember jeung dayeuh-dayeuh séjén di Pulo Jawa, nyaéta Purwokerto, Yogyakarta, Jombang, Surabaya, Probolinggo, Lumajang, sarta Banyuwangi. Stasiun Jember nyaéta anu pangbadagna, salian ti stasiun-stasiun leutik séjénna di Tanggul, Rambipuji, sarta Kalisat. Jalur karéta seuneu Kalisat-situbondo kiwari henteu oprasi deui.
Mayoritas nu nyicingan Kabupatén Jember diwangun ku Suku Jawa sarta Suku Madura, anu lolobana ngagem agama Islam. Nu nyicingan minoritas di antarana Tionghoa sarta Suku Osing. Di bagian kalér, Suku Madura cukup dominan sarta di sajumlah tempat mangrupa mayoritas. Lolobana ti maranéhanana henteu basa Jawaan. Tapi henteu kitu pikeun suku Madura anu cicing di Jember bagian kidul, contona di Kacamatan Tempurejo anu wawatesan jeung Basisir Bandealit.
Alatan lolobana nu nyicinganana masih berpenghasilan utama minangka patani, mangka paekonomian Jember réa kénéh ditunjang ti sektor tatanén. Jember réa aya wewengkon perkebunan, lolobana nyaéta titilar Walanda. Jember kawentar minangka salah sahiji wewengkon penghasil bako utama di Indonésia.
Dayeuh Jember mibanda paguron luhur nagari Universitas Nagari Jember sarta Politéhnik Nagri Jember. Sajaba ti éta aya sawatara paguron luhur nyaéta Sakola Luhur Ageman Islam Nagri (STAIN) Jember, Universitas Muhammadiyah Jember, Universitas Islam Jember, Universitas Moch. Seroedji, IKIP PGRI, sarta Universitas Mandala. PPKIA (Puseur Atikan Komputer Indonésia Amérika) salah sahiji lembaga atikan luar sakola.
Ti mimiti bulan Agustus 2007, Jember miboga program taunan anu disebut Bulan Nganjang ka Jember.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.